web counter
LEXO PA REKLAMA!

SHKARKO APP

App Store
Google Play

E fundit!

x

"Mjaft me fjalime politike"/ Ricky Gervais thumbon fituesit në Golden Globe

6 Janar 2020, 19:09, Aktualitet CNA

Aktori dhe komediani i famshëm, Ricky Gervais, në ceremoninë e djeshme të çmimeve Golden Globe, u kërkoi aktorëve që të mos bëheshin aq politikë gjatë fjalimeve, që mbahen për marrjen e çmimeve duke thënë se të famshmit nuk janë në gjendje të ligjërojnë asgjë për publikun.

“Nëse fitoni një çmim sonte, mos e përdorni atë si një platformë për të bërë një fjalim politik, “tha Gervais të Dielën në ceremonine e 77-të të çmimeve në Los Angeles.

Komediani nuk e la me kaq, por vijoi duke i mëshuar faktit se aktorët nuk janë në gjendje për të bërë fjalime moralizuese, siç ka ndodhur rëndom gjatë viteve të fundit.

“Ju nuk dini asgjë për botën e vërtetë. Shumica prej jush ka kaluar më pak kohë në shkollë sesa Greta Thunberg”, tha Gervais, duke iu referuar aktivistes 17-vjeçare për klimën.

Ricky Gervais, madje, i këshilloi me shaka fituesit e çmimeve se si të sillen me marrjen e trofeve.

“Pra, nëse fitoni, ejani, pranoni çmimin tuaj të vogël dhe falënderoni agjentin dhe perëndinë. Kjo është”, shtoi 58 vjeçari Gervais, duke qeshur.

Fjalimet kinematografike pas marrjes së çmimeve kanë marrë një ton gjithnjë e më shumë politik me kalimin e viteve, me shumë aktorë që i përdorin fjalimet kundër Presidentit Trump ose përqendrohen në çështjet të tjera kryesisht politike./Pështati nga thehill.com, CNA.al





Lajmet e fundit nga