web counter
LEXO PA REKLAMA!

SHKARKO APP

App Store
Google Play

Kryemadhi nuk heq dorë nga pazaret/ Bën thirrjen e radhës

6 Janar 2020, 09:04, Politikë CNA

Lëvizja Socialiste për Integrim, duket se nuk është në ditët e saj më rë mira. Këtë detaj e tregon vetë kryetarja e LSI-së, Monika Kryemadhi, e cila si duket ndodhet në panik nga tkurrja e partisë që themeloi bashkëshorti i saj, Ilir Meta, sot president.

Pak ditë më parë, Kryemadhi në fjalën e saj në Konventën e LSI-së, bëri ftesë të rinjve t?i bashkohen LSI-së, duke tentuar t?i joshë ata, me premtimin se do të jenë në listat e kandidatëve për deputetë.

Por, mesa duket Kryemadhi nuk ka ndërmend të heqë dorë nga pazaret, pasi e njëjta ftesë është përsëritur sërish sot.

Në një postim në rrjetet sociale, Kryemadhi ka publikuar një pjesë të fjalës së saj në Konventen e LSI-së, ku ka ritheksuar të njëjtën ftesë. Sërish Kryemadhi premton futjen e të rinjve në listat e kandidatëve për deputetë.

?Dyert e LSI-së janë të hapura për të gjithë ato vajza dhe djem, të shkolluar kudo që janë dhe që duan të kontribuojnë për të ringritur sistemin demokratik, atë sistem vlerash dhe meritokracie që shqiptarët në 1991 aspiruan. Për atë sistem ku të gjithë të jenë të barabartë dhe shteti t?u shërbejë qytetarëve të tij njësoj, pavarësisht se kujt partie i përkasin, familje, feje apo rrace.

Në emër të Lëvizjes Socialiste për Integrim, në emër të Shqipërisë, në emër të dekadës së re, ne sot ofrojmë 15 vitet e punës dhe të përkushtimit të themeluesve të LSI, investimin e 5 brezave të të rinjve të LRI, që janë shpirti, energjia dhe e ardhmja e familjes tonë politike.
Nën dritën e dekadës së re, ne ofrojmë investim për këdo që ka dëshirën, vullnetin dhe aftësinë për t?u përfshirë në listat e partisë tonë, për të garuar dhe për të marrë pjesë në angazhim dhe në kontributin e tyre nga kandidatë për deputetë, kryetar bashkie, këshilltarë, anëtarë në komisionet politike pranë LSI, në forumet drejtuese, apo edhe të konkurrojnë për drejtues të degëve të Lëvizjes Socialiste për Integrim në të gjithë Shqipërinë.?-shkruan Monika Kryemadhi në postimin e saj./ CNA.al

Tkurret LSI/ Kryemadhi nis pazaret





Lajmet e fundit nga