web counter
LEXO PA REKLAMA!

SHKARKO APP

App Store
Google Play

U gjet gjysmë e zhveshur dhe e djegur në park/ Detaje të reja nga vrasja makabre e shqiptares në Francë

29 Dhjetor 2019, 17:27, Kronika CNA

Detaje të reja kanë dalë në dritë nga vrasja makabre e 37 vjeçares shqiptare Brunilda Kovaçi, në Francë.

Sipas mediave franceze, e ëma e një djali të mitur u gjet gjysmë e zhveshur natën e Krishtlindjes në një park të qytetit dhe trupi i saj ishte pjesërisht i djegur.

Duke cituar prokurorinë franceze, mediat shkruajnë se shqiptarja ushtronte prostitucion në këtë zonë dhe nga hetimet e para mësohet se autor i krimit të rëndë ka qenë një nga klientët e saj.

Bëhet me dije se policia franceze ka arrestuar një 28-vjeçar shqiptar si të dyshuar për krimin e rëndë.
Ai u ka rrëfyer hetuesve se e ka mbytur 37-vjeçaren pas një sherri që kishin pasur teksa kishin kryer marrëdhënie seksuale në makinën e tij.

Prokurori francez Fabienne Atzori tha se pas krimit i riu ka tentuar të zhdukë trupin duke e dërguar në një park ku edhe ka tentuar ta djegë atë. Sipas tij motivi i krimit mbetet i paqartë, por besohet se motivet janë të dobëta.

Prokurori shtoi se 37 vjeçarja kishte denoncuar edhe një tjetër rast dhune në vitin 2015./CNA.al





Lajmet e fundit nga