web counter
LEXO PA REKLAMA!

SHKARKO APP

App Store
Google Play

E fundit!

x

Hodhën në erë makinën e prokurorit/ Reagon Kryetari i Gjykatës së Vlorës

21 Dhjetor 2019, 12:05, Kronika CNA

Kryetari i Gjykatës së Vlorës, Skënder Haluci, ka dënuar aktin që i është bërë prokurorit pranë Gjykatës së Vlorës, Albert Kuliçi, pasi një sasi lëndë plasëse ka shpërthyer mëngjesin e sotëm në makinën e tij.

Haluci e ka cilësuar një gjest frikacak dhe ngjarje të shëmtuar sulmin me tritol ndaj makinës së prokurorit Kuliçi. Duke u shprehur se si Kuliçi ashtu edhe i gjithë stafi i prokurorisë së Vlorës po punojnë për të zbatuar ligjin, ai ka thënë se ngjarja do të zbardhet shumë shpejt.

” Jemi në mbështetje të tij dhe për ta mbështetur në aktivitetin e tij si prokuror. Nuk ka asnjë lidhje tjetër vetëm nga detyra. Është ngjarje shumë e shëmtuar prej frikacakësh e burracakësh që veprojnë me maska dhe me tritol. Ne do të përgjigjemi me akte dhe me dënime. Nuk tërhiqemi. Gra e burra në Prokurinë dhe në Gjyqësorin e Vlorës punojnë natë e ditë vetëm për të zbatuar ligjin. Janë disa raste që goditet gjyqësori. Po goditet gjyqësori edhe me baltë jo vetëm me tritol. Siguroj se ata që kanë vënë dorë, dhe kanë grabitur prona të qytetarëve të Vlorës nuk kanë për t’i gëzuar. Ka lidhje me ngjarje konkrete dhe jo konkrete. Janë më shumë se 4 milion euro të sekuestruara. Ajo është e vetmja pistë. Kam shumë besim se ngjarja do të zbardhet.” tha Haluci.

Makina e Albert Kuliçit shpërtheu mëngjesin e sotëm me tritol në lagjen ’28 Nëntori’ në Vlorë. Prokurorit në fjalë ka një karrierë të mbushur me dosje të nxehta hetimore. /CNA.al





Lajmet e fundit nga