web counter
LEXO PA REKLAMA!

SHKARKO APP

App Store
Google Play

E fundit!

x

Vetëvendosja në zgjedhjet e rradhës në Shqipëri?/Ja çfarë deklaron Albin Kurti

12 Dhjetor 2019, 09:32, Politikë CNA

Lideri i Vetëvendosjes, Albin Kurti i cili fitoi zgjedhjet në Kosovë, u pyet nga Media Deutsche Welle nëse Vetëvendosja do të marrë pjesë në zgjedhjet elektorale të Shqipërisë. Ai nuk e mohoi këtë, por theksoi se dega e Vetëvendosjes në Shqipëri ka autonominë e saj. Sakaq ai thumboi liderat që sillen në mënyre monarkike.

?Besoj që emri Vetëvendosje është shumë demokratik, sepse vjen prej poshtë jo nga lart. Eshtë e kundërta e shkëmbimeve territoriale që vijnë nga lart, prej krerëve që silleshin në mënyrë monarkike?, tha Kurti.

Pasi Deutsche Welle ka pyetur nëse Vetëvendosja do të përfshihet në fushatën e ashpër elektorale në Shqipëri, Kurti është përgjigjur se aktivistët e Shqipërisë kanë autonominë e tyre, duke lënë të nënkuptohet se vendimin për të kandiduar apo jo, do e marrë vetë qendra e Vetëvendosjes në Tiranë.

?Aktivistët tanë në Tiranë kanë qendrën e tyre, që ka emrin ?Lëvizja Vetëvendosje?, por kanë autonominë e qëndrimeve dhe të veprimeve dhe të vendimeve. Besoj që emri Vetëvendosje është shumë demokratik, sepse vjen prej poshtë jo nga lart .Eshtë e kundërta e shkëmbimeve territoriale që vijnë nga lart, prej krerëve që silleshin në mënyrë monarkike. Vetëvendosja në Tiranë ka për qëllim që të ndërgjegjësojë dhe organizojë sa më shumë popullin atje për aktivitete në frymën e lëvizjes, por jo duke marrë direktiva nga Prishtina?, tha Albin Kurti./CNA.al





Lajmet e fundit nga