web counter
LEXO PA REKLAMA!

SHKARKO APP

E fundit!

x

Aksidenti i rëndë në Berat/Jepet masa për shtetasin serb

11 Dhjetor 2019, 17:16, Aktualitet CNA

Prokuroria ka dhënë masën e hetimit për shtetasin serb i cili drejtonte trajlerin që u përplas me ambulancën në aksin Berat ? Ura Vajgurore, ngjarje kjo e ndodhur para 4 ditëve e që la pas pasoja të rënda.

Shtetasit serb i është caktuar detyrim paraqitjeje brenda një muaji në Prokurorinë e Beratit, ndërkohë që ai ka lënë në dispozicion një shumë parash me vlerë 10 milionë lekë si garanci pasurore.

Arrestimi i shtetasit në fjalë është kryer menjëherë pas aksidentit në Berat, pasi rezultoi se i kishte prerë rrugën ambulances me 5 persona brenda. Këta të pestë janë plagosur gjatë aksidentit, e ndërsa më vonë, pacientja 82 vjeçare Llambrini Ashani ka ndërruar jetë në spitalin e Traumës. Ndërkohë, në gjendje të rëndë është infermieri Aleksandër Kati 54 vjeç./CNA.al





Lajmet e fundit nga