web counter
LEXO PA REKLAMA!

SHKARKO APP

App Store
Google Play

E fundit!

x

Profesori amerikan: S'ka vend për panik, tërmetet ndodhin në mënyrë rastësore në gjithë globin tonë

28 Nëntor 2019, 18:59, Sociale CNA

Në intervistën dhenë radios amerikane “VOA” Profesori Ross Stein, që është dhe drejtori ekzekutiv i kompanisë “Temblor Incorporated”, ndërsa ka folur për tërmetet më të fundit në Shqipëri është pyetur edhe nëse mund të parashikohen tërmetet. Por dhe se kur pritet të ndodhë tërmeti i rradhës, pas këtij 6.4 ballë dhe të tjerëve të ardhur pas tij.

“Kur do pritet të ndodhë? Kjo është një pyetje që bëhet kudo. Shpresoj që shkencëtarët të mund të ndihmojnë ose të parashikojnë tërmetin tjetër. Por ne nuk mundemi. Ka një variacion tepër të madh sa i përket përmasave, periudhës nga njëri tërmet te tjetri. Në një farë mënyre, tërmetet ndodhin në mënyrë rastësore në gjithë globin tonë dhe jo rregullisht. Prandaj, asgjë nga ato që kemi gjetur nuk na zbulon se kur do të ndodhë tërmeti tjetër. Edhe ky tërmet u parapri nga 4 ose 5 paragoditje. Ju mund të pyeni: Nëse kishte paragoditje, përse të mos e parashikojmë tërmetin e madh? Mirëpo, nëse shohim këto paragoditje, atë i ngjajnë çdo tërmeti tjetër. Në vend të kësaj, ajo që mund të bëjmë ne është të flasim se cilat janë zonat më të rrezikuara në Shqipëri dhe si duhet t?i ndërtojmë prioritetet për mbrojtjen nga tërmetet. Rajoni rreth Tiranës dhe ato përgjatë bregdetit të Shqipërisë kanë rrezikun më të madh dhe kjo na tregon se pikërisht këtu duhet të përqendrojmë vemendjen tonë”, është përgjigjur  Prof. Stein./CNA.al





Lajmet e fundit nga