web counter
LEXO PA REKLAMA!

SHKARKO APP

App Store
Google Play

Gara për kryeprokuror/ Lista 3-emërore i drejtohet Kuvendit, çfarë pritet të ndodhë

18 Nëntor 2019, 16:58, Politikë CNA

Sa ditë do t’i duhen Kuvendit për të zgjedhur Prokurorin e Përgjithshëm?

Të mërkurën përfundon afati 5 ditor i ankimit, lidhur me vendimin e KLP për vlerësimin e kandidaturave për postin e Prokurorit të Pergjithshëm.

Pas këtij afati, lista me 3 emrat Arta Marku, Olsian Çela dhe Fatjona Mençajdo t?i përcillet Kuvendit, i cili duhet të mblidhet për të shqyrtuar kandidaturat dhe vendosur për emrin e prokurorit të ri.

Në krye të listës, me më shumë pikë qëndron prokurori i Krimeve të Rënda Olsian Çela, ndërkaq Kryeprokurorja e Përkohshme në detyrë Arta Marku dhe Fatjona Mençaj nuk e kanë ankimuar rezultatin e KLP-së.

Në bazë të procedurës ligjore, pas dërgimit të listës në Parlament, ky institucion ka 30 ditë kohë të votojë prokurorin e përgjithshëm. Nëse për mosdakordësi mes palëve apo shkaqe të caktuara dështon votimi në Kuvend, emërimi bëhet më pas nga vetë KLP, duke vendosur në krye të institucionit kandidatin që kryeson listën për prokuror të përgjithshëm.

Mbetet për tu parë se nëse për shqyrtimin e listës 3-emërore për kandidaturën për prokuror të përgjithshem, Kuvendi do ruajë ritmet e shqyrtimit të kandidaturave të Gjykatës Kushtetuese, apo do ecë më shpejt.

Prokurori i Përgjithshëm është vetëm një, ndaj kësaj rradhe Kuvendi nuk ka me kë të luajë kukafsheti si në rastin e vendeve bosh në Kushtetuese?/CNA.al





Lajmet e fundit nga