web counter
LEXO PA REKLAMA!

SHKARKO APP

App Store
Google Play

E fundit!

x

Viziton të lënduarit te Trauma/ Basha i prerë: S’do mungoj kur Rama dhe Veliaj të japin llogari para ligjit

12 Nëntor 2019, 12:05, Politikë CNA

Kreu i PD, Lulzim Basha ka vizituar në spitalin e Traumës të lenduarit nga përplasja tek Unaza e Re.
Basha shprehet se ky është një bilanc i një goditje të planifikuar nga kryeministri Edi Rama ndaj qytetarëve që mbronin shtëpitë e tyre.

?Janë dhunuar në mënyrën më barbare. Të gjakosur nga dhuna me shkopinj dhe grushta, gra të alivanosura nga përdorimi i gazit lotsjellës. Një pjesë ndodhen të shtruar, një pjesë nuk janë në spital.
Ky është një bilanc i një goditje të planifikuar nga Edi Rama ndaj qytetarëve që mbronin shtëpitë e tyre.
Skenar i përgatitur me kujdes, të shkonte drejt përgjakjes së qytetarëve për të shprehur vjedhjen e madhe që Veliaj dhe Rama kanë planifikuar. Nuk bëhet fjalë për një projekt zhvillimi, ishte një projekt vjedhje me kompani fantazmë. Ky është një akt kriminal, një krim i rëndë kundër banesave të tyre?, u shpreh Basha.

Gjithashtu kryedemokrati ka paralajmëruar se nga Rama tek Veliaj do të mbajnë përgjegjësi para ligjit.

?Paralajmëroj gjithësecilin përgjegjës nga Rama tek Veliaj se do të mbajnë përgjegjësi para ligjit.
Dita nuk do të vonojë, iu jap fjalën se nuk do të mungoj kur ata të japin llogari para ligjit.
Kemi një zotim, politik me shkrim, çdo centimetër katror i pronës së tyre do të kompensohet me vlerën e tregut me ardhjen e PD në pushtet.
Garantoj se të gjithë ata të përfshirë në këtë akt do të mbajnë përgjegjësi para ligjit nga i pari tek i fundit dhe nuk do gëzojnë asnjë qindarkë të kësaj grabitje?, u shpreh Basha./CNA.al





Lajmet e fundit nga