“Arjan Ndoja zbardh përplasjet”/Arta Marku i tregon dhëmbët KLP-së

7 Nëntor 2019, 09:48, Kronika CNA

Atentati mafioz që u shënua pak ditë më parë ndaj prokurorit të Durrësit Arjan Ndoja dhe dy personave që e shoqëronin, ndër të tjerash ka nxjerrë në pah dhe përplasjen mes Prokurorisë së Përgjithshme dhe Këshillit të Lartë të Prokurorisë.

Nga të dyja këto institucione nuk ka pasur reagime për atentatin ndaj prokurorit Ndoja, por heshtja e institucioneve, PP dhe KLP duket se është e justifikueshme, ashtu siç e vërtetuan një ditë më parë.

Arta Marku e cila pritet të intervistohet më 13 nëntor nga KLP, në cilësinë e kandidates për Prokurore të Përgjithshme, duket se nuk e ka mbështetjen e këtij Këshilli ashtu si më herët. Nga ana tjetër edhe KLP, duket se po jep duart Markut.

Përtej zgjedhjes së një Prokurori të Përgjithshëm politik, ashtu siç dyshohet se është Marku, më e rëndësishme është marrëdhënia institucionale, e cila nuk funksionon.

Ishte rasti Ndoja që zbuloi krizën, përplasjen dhe prapaskenat mes KLP dhe PP, dhe që tregoj se nuk komunikimi i tyre zyrtar çalon.

Gjithçka u mësuar pasi KLP iu drejtuar me një letër Prokurores së Përgjithshme të përkohshme Arta Marku që të niste hetimet disiplinore ndaj prokurorit Arjan Ndoja.

Në orën 13.13, të mesditës së të mërkurës, datë, 06.11.2019 në grupin e gazetarëve në ëp, u dërgua letra që KLP kishte përgatitur për Markun.

?Nisur nga të dhëna paraprake si dhe nga një prononcim dhëne për median A2 News nga prokurori Ndoji, bëhet me dije fakti që prokurori drejton prej kohësh një studio ligjore ku ofron konsulencë ligjore për çështje të ndryshme. Ky fakt nëse do të rezultonte i vërtetë, do të përbënte shkelje disiplinore të parashikuara në nenin 103 pika a dhe ç, të ligjit 96/2016 ?Për statusin e gjyqtarëve dhe prokurorëve në Republikën e Shqipërisë?.

Neni 160/5 i Ligjit 96/2016?Për statusin e gjyqtarëve dhe prokurorëve në Republikën e Shqipërisë? si dhe nenit 194/2 gërma ç, i Ligjit 115/2016?Për organet e qeverisjes së sistemit të drejtësisë?, ngarkojnë Prokurorin e Përgjithshëm me detyrën qe të hetojë të gjitha pretendimet për shkeljet disiplinore në rradhët e prokurorëve për sa kohë nuk është krijuar Inspektoriati i Lartë i Drejtësisë.

Këshilli i Lartë i Prokurorisë, bazuar në nenin 119 të ligjin 96/2016 ?Për statusin e gjyqtarëve dhe prokurorëve në Republikën e Shqipërisë?, kërkon nga ana Juaj, nisjen e një hetimi disiplinor ndaj prokurorit Arjan Ndoja, duke gjykuar nëse janë konsumuar apo jo prej tij shkeljet disiplinore të parashikuara nenin 103 pika a dhe ç, të ligjit 96/2016 ?Për statusin e gjyqtarëve dhe prokurorëve në Republikën e Shqipërisë?., thuhej në letrën e KLP-së.

Por, dukej se KLP, ishte kujtuar me vonesë, pasi zonja Marku, kishte kërkuar hetim disiplinor për Ndojën një ditë më parë.

Në orën 17. 05 të pasdites së të mërkurës, datë,06.11.2019, po në grupin e gazetarëve në ëp, u shpërnda njoftimi i PP-së.

?Prokurori i Përgjithshëm znj. Arta Marku prej ditës së djeshme dt 05.11.2019 ka filluar verifikimin e fakteve të bëra publike në rastin e prokurorit Arjan Ndoja. Verifikimet konsistojnë në mbledhjen e të dhënave për shkeljen e rregullave të papajtueshmërisë me funksionin e magjistratit, parashikuar në nenin 103 shkronja?a? të ligjit 96/2016 ?Për statusin e gjyqtarëve dhe prokurorëve në Republikën e Shqipërisë?, thuhej në njoftimin e PP-së./ CNA.al