E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Skandali me lirimet nga burgu/ Ish ministri paditi një grup zyrtarësh të lartë, si u favorizuan Avdylajt

5 Nëntor 2019, 12:06, Kronika CNA

Gjykata e Lartë, në 2 mars të vitit 2016 ka vendosur lirimin nga burgu të anëtarit të bandës së Avdylajve, i dënuar me 16 vjet burg për vrasje.

Sikurse u argumentua në atë kohë, lirimi i Avdylajt u bë për arsye shëndetësore.

?Kolegji Penal i Gjykatës së Lartë vlerëson se lirimi i të dënuarit për shkak se i rrezikohet jeta, do t?i mundësojë atij aksesin në trajtim mjekësor të përshtatshëm që do të ndikonte në uljen e rrezikut që i kanoset jetës së këtij të dënuari, prandaj është e nevojshme ndjekja në rrugë ambulatore e gjendjes shëndetësore të kërkuesit Astrit Avdyli në përputhje me ligjin dhe aktet përkatëse dhe nënligjore për shëndetin mendor në Republikën e Shqipërisë?.-thuhej në atë kohë në vendimin e Gjyakës.

Dy vjet pas lirimit, Astrit Avdyli u arrestua sërish, në kuadër të operacionit ?Volvo 4?, tashmë me akuzën për trafik heroine në Shqipëri dhe Gjermani.

Pra, vendimi i Gjykatës së Lartë që nxori nga burgu Astrit Avdylajn, erdhi pasi sipas mjekëve ligjorë, i bënin depresion hekurat e burgut.

Ndërkohë, në vitin 2007 mjekët ligjorë u kallezuan nga ministri Drejtësise i asaj kohe, pas një hetimi të gjatë në Drejtorinë e Burgjeve.

Në vitin 2009 u mbyll çështja dhe të gjithë mjekët u rikthyen në punë.

Ndërkohë, CNA.al sjell më poshtë kopjen e një vendimi të Gjykatës së Lartë, me të cilin mjekët ligjorë që midis zyrtarëve të tjerë, bënë të mundur lirimin e të denuarve me rrezikshmëri të larte. Midis tyre si më i famshmi i ditëve tona, është edhe emri i Astrit Avdylajt.

Grupi i gjyqtarëve, sot është i gjithi i përjashtuar nga sistemi i drejtësisë.

Por CNA.al e risjell çështjen për të treguar që “sporti” i lirimeve nga burgjet shqiptare të të denuarve të rrezikshëm, nuk është “sport” i ri.

Ministri i Drejtësisë i kohës pas kontrolleve dhe verifikime në të gjithë piramiden e burgjeve, në kohën kur Drejtor i Përgjithshëm i burgjeve ishte Saimir Shehri, hartoi dhe dërgoi në prokurori një kallëzim penal dhe dosje të trasha të praktikave të kundraligjshme të lirimeve përpara kohe nga burgjet të të dënuarve, duke kërkuar dhe shkarkimin e drejtorit të përgjithshëm të burgjeve.

Diagnoza në atë kohe ishte standart: burgu shkaktonte depresion.

CAN.al sot sjell më poshtë vendimin që i vuri kapakun e fundit atij kallëzimi penal, pasi shpalli të pafajshem mjekët ligjorë që konstatuan depresionin. Ishte viti 2009, koha kur listat e deputetëve filluan të hartohedhin nga kryetarët e partive.

Por, kush ishte ministri që bëri kallëzimet penale për një listë të gjatë me zyrtarë të përfshirë në skemen e litimeve përpara kohe të të dënuarve me rrezikshmëri të lartë, përfshirë këtu edhe Astrit Avdylajn.

Kallëzimet penale u bënë pikërisht nga ministri i Drejtësisë në atë kohë, Ilir Rusmajli, i cili sot është tërhequr nga politika./ CNA.al