web counter
LEXO PA REKLAMA!

SHKARKO APP

App Store
Google Play

E fundit!

x

Luli i Meros

30 Tetor 2019, 11:04, Politikë CNA

Në Shqipëri ka një perceptim për mediat. Ose je i kapur nga qeveria se kështu thotë Luli, ose je kazani i opozitës, se kështu thotë Rama.

Një veprim i ndyrë i bërë nga kasta politike për të ulur peshën dhe fuqinë që ka media në vend, duke nxitur militantët në besueshmërinë ndaj njëri-tjetrit dhe për të bërë që media në denoncimet e saj të mos ketë forcën e duhur dhe politikanët të kenë më pak kosto.

Por, le të shohim konkretisht se çfarë ndodh në fakt me mediat në vendin tonë. Ato që sulmohen nga Basha, apo ato që sulmohen nga Rama. Janë dy skalionet e tyre. Pra, shërbëtorët e tyre. Ndërsa mediat që sulmojnë të dyja palët, edhe Bashën edhe Ramën, herë nga njëra palë quhen kazan e herë nga pala tjetër, si ortakë të qeverisë.

Së fundi mund të sjellim disa detaje. Nga një vëzhgim i bërë nga CNA.al na rezulton se një prej mediave e cila quhet nga mediat kryesore të qeverisë, gazeta Tema e Mero Bazes, mbron në mënyrë sistematike Lulzim Bashën apo bën që mediat kritike ndaj Lulit, sa herë i duhet këtij të fundit, që të humbasin potencën apo fuqinë goditëse ndaj Lulit denoncimet e kritikëve, duke i bërë një shërbim të madh kryetarit të Republikës së re.

Çfarë ndodh konkretisht?

Së fundi, CNA.al, ditën e diel, të hënë dhe të martë publikoi skandalin në lidhje me vilën e Lulzim Bashës në një nga rezidencat e kryeqytetit. Lajmi u mor dhe u përdor nga Tema në disa mënyra të tjera. Komentet tona, analizat dhe gjithçka ne botojmë dhe publikojmë kundër Lulzim Bashës merren dhe publikohen tek Tema, dhe më pas del Luli dhe mediat e tij e thonë ?materiale të publikuara nga mediat pro qeverisë?.

Por, pse ndodh kjo.

Në fakt, janë me dhjetëra e dhjetëra denoncime të publikuara në CNA.al kundër Lulzim Bashës. Me skandale të ndodhur brenda PD-së, që fillojnë e përsëriten shpesh kohët e fundit. Materialet tona përdoren nga mediat pro qeverisë dhe si çekan kundër Lulit. Dhe ky i fundit, më pas në daljet e tij publike thotë se ?janë mediat e qeverisë që po e sulmojnë?, kur në fakt nuk ka asnjë të vërtetë. Ato janë denoncime që Luli i fsheh pas fjalëve ?media të kapura nga qeveria?. Po denoncove Lulin të ka kapur Rama, edhe pse ndaj këtij të fundit mund të nxjerësh 10 fish denoncime.

Nga ana tjetër ne çdo ditë publikojmë skandale, denoncime dhe akuza kundër qeverisë. Ndaj kryeministrit Rama, ndaj kryebashkiakut Veliaj, ndaj kabinetit dhe ministrave të tij, të cilëve iu kemi publikuar pasuritë, skandalet, tenderat dhe gjithçka që ne kemi pasur mundësi. Por, këto materiale nuk merren nga mediat pro qeverisë. Kuptohet, sepse s?mund ti bien Ramës.

Kryesisht merren dhe përdoren nga mediat pranë opozitës, por një pjesë e tyre kanë filluar dhe të heqin dorë, sepse nuk iu atashohen denoncimeve tona sepse bashkëpunojnë me qeverinë, me kryebashkiakun Veliaj, por edhe me Lulzim Bashën dhe ministrat e Ramës, në tendera, përfitime, sponsorizime e kështu me radhë.

Luli ka bërë dhjetra konferenca shtypi me denoncimet e CNA.al, por kur i vjen mbarë, se kur ha ?dajak? për budallëqet e skandalet e tij, ve në aksion mediat e qeverisë. Ato i përdor në mënyrë të shkelqyer. Asnjë prej tyre nuk e akuzon dhe nuk i publikon skandale thjesht e kritikojnë ?parimisht? dhe politikisht. Për skandale kundër Bashës ne mediat e qeverisë nuk bëhet fjalë.

Në fakt, një vëzhgim i thjeshtë na bën të shohim sesi ?Luli i Meros?, pra në vend që ta quajmë Lulzim Basha, do ta quajmë Luli i Mero Bazes, sepse është ky i fundit që e ka mbështetur jo pak kur ka ardhur në PD dhe sot e mbështet sërish Lulzim Bashën.

Për ata që mendojnë se Mero Baze e sulmon Lulin, duhet ta shikojnë në këndin tjetër.

Sa herë Luli ka hall, sulmohet nga Mero. Sapo sulmohet nga Mero apo mediat e qeverisë, gjithçka kthehet në politike dhe bie besueshmëria e informacionit që është kundër Lulzim Bashës.

Ky nderim i madh që i bën çdo ditë Mero Baze Lulit, sa herë nxjerrim skandale dhe sulme ndaj tij, merret dhe përdoret e përdoret nga mediat e qeverisë, derisa gjithçka kthehet në politikë dhe harrohet. Luli shpëton sërish.

Por, ne nuk do ta lëmë. Ne do të vazhdojmë të publikojmë denoncimet tona, edhe pse Mero ka aleat Lulin, apo ky i fundit ka aleat Meron. Ata kanë pazaret dhe punët e tyre. Kurse ne kemi punën tonë edhe me Lulin, edhe me Ramën, edhe me Metën, edhe me Veliajn, edhe me Mero Bazen.

Prandaj, Luli i Meros me lojëra të tilla duke stimuluar sulme nga mediat qeveritare dhe duke përdorur materialet e mediave kritike të tij, kërkon të dalë pa lagur, por nuk do të shpëtojë dot.

Sepse nuk mbulohet skandal pas skandali duke e kthyer në politikë të rëndomtë dhe duke keqpërdorur apo më keq akoma duke paguar media qeveritare që të sulmojnë për t?u bërë më i fortë brenda opozitës.

Kjo nuk ka për të ndodhur sepse sa më shumë ta vazhdojë këtë luftë, aq më shumë ne do ta vazhdojmë betejën tonë me Lulin, me Ramën dhe të tyret. Sepse Mero Baze nuk e shpëton dot Lulin, ashtu sikundër nuk e shpëton dot as Karlo Bollino, as mediat proqeveritare si Top Channel e të tjera dhe as kompanitë që faturojnë tek kunati biznesmen dhe reklamat që shpërndan ai.

Ne do jemi këtu, djathtas, kundër qeverisë, çdo ditë çdo çast, por edhe kundër Lulzim Bashës që PD-në e idealeve të dhjetorit ?90 e ka kthyer në parti gjobash dhe skandalesh për interesat e tij dhe të familjes./ CNA.al





Lajmet e fundit nga