web counter
LEXO PA REKLAMA!

SHKARKO APP

App Store
Google Play

E fundit!

x

Theu masën e sigurisë / Arrestohet Bardhok Planaj

29 Tetor 2019, 16:27, Kronika CNA

Policia ka bërë të mundur arrestimin e Bardhok Planaj, pas thyerjes së masës së sigurisë ?Arrest shtëpie? duke udhëtuar drejt qytetit të Lushnjes.

Ka qenë bashkëpunimi midis dy degëve të Policisë, asaj të Lushnjes dhe të Shkodrës që ka bërë të mundur arrestimin e  Planaj, person i cili rezultonte me precedent të theksuar kriminal.

Pas arrestimit pasditen e sotme Planaj do të përballet me veprën penale ?Largimit i të burgosurit nga vendi i qëndrimit?.

Gjykatës së Shkallës së Parë Shkodër kishte vendosur më datë 29.11.2018 masën e sigurisë ?Arrest në burg? Bardhok Planaj   për veprat penale ?Pastrim i produkteve të veprës penale?, ?Falsifikimi i vulave dhe stampave? dhe ?Ndërtim i paligjshëm?, si dhe i është bërë sekuestro preventive e një pallati 10 katësh me vlerën 2 milion euro. Urdhër,  i cili u ekzekutua nga Prokuroria pranë Gjykatës së Shkallës së Parë Shkodër më datë 03.12.2018.

Seksioni për Hetimin e Krimit Ekonomik-Financiar, në bashkëpunim me Forcat e Ndërhyrjes së Shpejtë Shkodër ushtroi kontroll në banesën e shtetasit Bardhok Planaj, i cili ishte me masë sigurie ?Arrest në shtepi?, por nuk u gjet në banesë.

Policia e Shkodrës e shpalli në kërkim dhe pas informacioneve të marra, në bashkëpunim me Policinë e Lushnjës bëri kapjen dhe arrestimin në qytetin e Lushnjës të shtetasit Bardhok Planaj, për veprën penale  ?Largimi i të burgosurit nga vendi i qëndrimit?./ CNA.al





Lajmet e fundit nga