web counter
LEXO PA REKLAMA!

SHKARKO APP

App Store
Google Play

Negociatat/ S’ka marrëveshje pro Shqipërisë, ministrat e Jashtëm të BE nuk dakordësohen

15 Tetor 2019, 16:10, Politikë CNA

Këshilli i Bashkimit Evropian nuk ka arritur në një vendim të unifikuar për hapjen e negociatave me Shqipërinë dhe Maqedoninë e Veriut.

Ministrja e Jashtme e Finlandës, Tytti Tuppurainen, në përfundim të takimit deklaroi se Shqipëria nuk mund të trajtohet e ndarë nga Maqedonia e Veriut.

?Vlerësuam që ndarja e Shqipërisë nga Maqedonia e Veriut nuk është e duhur. E vetmja gjë që mundëm të arrijmë është që KE do të kthehet mbi këtë çështje. Besojmë që KE do marrë vendim pozitiv për çështjen e integrimit për të dy vendet?, tha ministrja finlandeze.

Nga ana e tij, komisioneri për Negociatat e Zgjerimit, Johannes Hahn, theksoi se ky nuk është një moment lavdie.

?Nuk arritëm të gjejmë një marrëveshje, kam luftuar për ta bërë të mundur, ekipi ynë është i angazhuar. Edhe nëse largohem nga kjo detyrë, angazhimi do jetë i vazhdueshëm.

Shpresojmë t?i bindim të tjerët, sepse po flasim për diçka jetësore. Unë nuk kam asnjë ndjenjë negative, por procesi është i bazuar në meritë dhe ata i kanë plotësuar kushtet dhe ne duhet të plotësojmë kushtet tona, por nuk e bëmë këtë. 25 vende janë në favor të integrimit?, u shpreh Hahn.

Vendimi për negociatat e Shqipërisë dhe Maqedonisë së Veriut do të merret në Samitin e liderëve të BE më 17-18 Tetor./CNA.al

 





Lajmet e fundit nga