web counter
LEXO PA REKLAMA!

SHKARKO APP

App Store
Google Play

21 milionë euro për karburantin e institucioneve shtetërore/ Shehaj: MB gënjeu për çmimin

13 Tetor 2019, 10:45, Politikë CNA

Ish deputeti i PD, Agron Shehaj denoncoi dy ditë më parë tenderin mbi 21 milionë euro për blerjen e karburantit për të gjitha institucionet shtetërore për tre vitet e ardhshme.
Sipas Shehajt, bëhet fjalë për një tender pa garë, me fitues të pacaktuar dhe me një çmim më të lartë se çmimi i pakicës.

?Dje, Ministria e Brendshme lëshoi një komunikatë qesharake dhe gënjeu duke thënë se çmimi i blerjes nuk është 177,1 lekë për litër, sa denoncova unë, por 170 lekë për litër.
Po edhe sikur të marrim çmimin e gënjeshtërt të ministrisë, 170 lekë për litër, sot nafta me pakicë shitet me 158-168 lekë për litër?, shkruan Shehaj.
Sipas demokratit kjo vjedhje duhet të hetohet menjëherë.
Postimi i plotë:

Dy ditë më parë denoncova tenderin korruptiv mbi 21 milionë euro për blerjen e karburantit për të gjitha institucionet shtetërore, për tre vitet e ardhshme. Ishte një tender pa garë, me fitues të paracaktuar, me një çmim më të lartë se çmimi i pakicës!
Dje, Ministria e Brendshme lëshoi një komunikatë qesharake dhe gënjeu duke thënë se çmimi i blerjes nuk është 177,1 lekë për litër, sa denoncova unë, por 170 lekë për litër.
Po edhe sikur të marrim çmimin e gënjeshtërt të ministrisë, 170 lekë për litër, sot nafta me pakicë shitet me 158-168 lekë për litër (fotot janë bërë sot në mëngjes).
Vetëm një qeveri e korruptuar dhe e kapur mund të blejë miliona litra karburant me një çmim shumice më të shtrenjtë se çmimi i pakicës i pompave të karburantit.
Vjedhje dhe korrupsion që duhet të hetohet menjëherë./CNA.al





Lajmet e fundit nga