web counter
LEXO PA REKLAMA!

SHKARKO APP

App Store
Google Play

E fundit!

x

“Marsida trego të vërtetën. Dritanin e kishe të dashur. Shkoje në shtëpinë e tij”/ Flet kushërira e viktimës

12 Tetor 2019, 12:09, Kronika CNA

Kushërira e Dritan Haxhollit ka folur pas ngjarjes së rëndë, dy ditë më parë në Kavajë.

Në një prononcim për Report tv, nga Italia ku jeton kushërira e Dritan Haxhollit që mbeti i vdekur nga përplasja me armë në Kavajë dy ditë më parë, ka thënë se Marsida dhe Dritan Haxholli kanë qënë të dashur. Për më tepër, Irida Koçi thotë se Marsida shkonte shpesh në shtëpinë e viktimës.

“Dritani dhe Marsida kishin një lidhje dashurie me një milion përqind. Marsida shkonte shpesh herë te shtëpia e Dritanit dhe ai cdo natë. Kohët e fundit nuk e di, nuk dua të gaboj, por di që kanë pasur një histori bashkë”.-është shprehur kushërira e Dritan Haxhollit.

Irida Koçi thotë se nuk duan hakmarrje për atë që ndodhi, po i kërkon Marsida Qatjas që të tregojë të vërtetën se ajo me Dritanin kishin pasur një lidhje dashurie, të cilët 30-vjeçarja e ka mohuar publikisht.

Ajo shprehet se informacionet për raportin mes kushëririt të saj dhe 30-vjeçares i kishte nga halla e saj, nëna e viktimës, pasi vetë nuk kishte komunikim me Dritanin prej shumë vitesh, ndërsa ka një apel për 30-vjeçaren nga Kavaja.

“Marsida nuk e di kë po mbron apo cfarë po mbron? Dakord Marsida! Ti duhet të tregosh të vërtetën” i bën apel Irida Koçi, ndërsa shton se i ka shkruar edhe në rrjetet sociale Marsida Qatjas që të tregojë të vërtetën që mes tyre ka pasur një histori dashurie./ CNA.al





Lajmet e fundit nga