web counter
LEXO PA REKLAMA!

SHKARKO APP

App Store
Google Play

Përplasje të forta në Bashkinë e Durrësit/ Kreu i PS kërcënon kandidatin Kërtusha

9 Tetor 2019, 20:45, Politikë CNA

Socialistët e Durrësit duket se po përjetojnë një situatë kaosi pas zgjedhjeve të fundit që sollën rokadë në administratë.

Përflitet se sot ka patur një sherr fizik mes kreut të PS Durrës Luan Zaza dhe sekretarit të këshillit Bashkiak Armand Traga, që vjen nga radhët e LSI-së.

Një arsye me sa duket kanë qenë emërimet e reja, ku palët janë ndarë në dy kampe.

Nga ana tjetër, Ardit Kërtusha i cili ka shpallur kandidaturën për kryetar të PS Durrës ka konfirmuar për ?BalkanWeb? se ?ka marrë kërcënime nga kreu aktual i PS Luan Zaza?.

Vetë Zaza mohon se ka probleme në Partinë Socialiste Durrës. Sa i përket akuzave të kandidatit Kërtusha, kreu i PS Durrës thotë se nuk ka pasur asnjë kontakt.

?Nuk ka asnjë situatë problematike në Partinë Socialiste në Durrës dhe sekretari i këshillit nuk është pjesë e Partisë Socialiste në Durrës. Për sa i përket z. Kërtusha nuk kam pasur asnjë kontakt?, është shprehur Zaza për ?BallkanWeb?.

Kujtojmë se socialistët në Durrës prej 16 shtatorit janë në një proces riorganizimi të strukturave, i cili mbyllet më 10 nëntor. Ndërsa në dhjetor, PS-ja e Durrësit duhet të ketë zgjedhur kryetarin e saj. /CNA.al





Lajmet e fundit nga