web counter
LEXO PA REKLAMA!

SHKARKO APP

App Store
Google Play

E fundit!

x

Vlerësuan Holandën për abortin dhe martesat gay/ Kisha Katolike “kryqëzon” ministret e Ramës

9 Tetor 2019, 16:19, Politikë CNA

Pas letrës së tetë ministreve të qeverisë Rama drejtuar Parlamentit holandez, ku midis të tjerash vlerësohej legalizimi i martesave, midis së njëjtës gjini, dhe lejimi i abortit nga ky shtet, ka ardhur edhe reagimi nga Kisha Katolike.

Arqipeshkvi George Frendo, thekson se është detyra e ministreve për të mbrojtur familjen dhe vlerat e saj, ndërsa i pyet si nëna, si mund të jenë dakord për vrasjen e foshnjave të palindura nëpërmjet abortit dhe, aq më pak, të flasin në emër të gjithë shqiptarëve.

Reagimi i plotë: 

RRETH LETRËS SË MINISTRAVE GRA

Mons. George Frendo,

Arqipeshkvi i Tiranë-Durrësit

Janë tetë ministre gra që u janë drejtuar deputetëve të Parlamentit holandez me një letër. Në këtë letër shkruajnë se janë ?nëna dhe bija, gra që luftojnë për familjet tona dhe për kombin tonë?.

Më poshtë shkruajnë: ?Ne në Shqipëri sinqerisht çmojmë Holandën?. E pse? Sepse ?ju ishit ndër të parët në botë që keni legalizuar abortin? dhe ?keni qenë vendi i parë në botë që keni legalizuar martesën e së njëjtës gjini në 2001?.

Disa komente. ?Ne në Shqipëri sinqerisht çmojmë Holandën?. Vërtetë, janë deputete, janë ministre. Por kush u dha të drejtën të flasin në emrin e të gjithë shqiptarëve? Janë ?nëna?. Atëherë pritet se e vlerësojnë jetën njerëzore. Si pra guxojnë ta lavdërojnë Holandën sepse kjo ka legalizuar vrasjen e jetës njerëzore të ngjizur në kraharorin e shumë nënave?

Janë ?bija?, dhe, supozojmë (pasi janë edhe nëna), të martuara. Sigurisht, kanë lindur fëmijë jo nga një grua tjetër, por nga një burrë. Dhe thanë se ?luftojnë për familjet? ? imagjinojmë se e përkufizojnë familjen si bashkësi që përfshin burrin dhe gruan bashkë me fëmijët e tyre. Këto fjalë janë krejt në kundërshtim me pohimin e tyre, ku kanë miratuar qëndrimin e Hollandës që ka legalizuar martesën e së njëjtës gjini.

Ta legalizosh abortin dhe martesën gay a është shenjë e një shoqërie të emancipuar? A është shenjë përparimi?

Të dashur Ministre, ju lutem: familja shqiptare është dalluar si një bërthamë shumë e bashkuar dhe të qëndrueshme. Mbrojeni jetën njerëzore, mbrojeni familjen shqiptare! Tashmë ka shumë faktorë që po sulmojnë familjet tona sot. Është detyra juaj, si përfaqësuese të popullit tonë dhe ministre, t?i mbroni vlerat e vërteta për një Shqipëri më të mirë!/CNA.al





Lajmet e fundit nga