web counter
LEXO PA REKLAMA!

SHKARKO APP

App Store
Google Play

E fundit!

x

Murrizi kërkon shtëpi për deputetët e "pavlerë" të Lulit

27 Shtator 2019, 11:18, Politikë CNA

Pas djegies së mandateve të deputetëve nga opozita, të tjerë kandidatë nga listat pritëse kanë pranuar të futen në parlament, duke çuar kështu në krijimin e një tjetër opozite parlamentare.

Kandidatë të future në lista nga Lulzim Basha kanë marrë mandatet e djegura të opozitës, dhe sot janë deputetë të Kuvendit të Shqipërisë.

Mes këtyre deputetëve është edhe Adriatik Alimadhi, kryetari i Partisë Balli Kombëtar.

Alimadhi pak kohë më parë kërkoi që deputetëve t?iu rriten pagat, pasi sipas tij nuk kanë një pagë dinjitoze.

Por, ndërkohë edhe deputeti Myslim Murrizi, i cili nuk pranoi të digjte mandatin, ka bërë një kërkesë të ngjashme.

Gjatë mbledhje së konferencës së kryetarëve, Murrizi ka kërkuar shtëpi për deputetët e listës së Lulit.

Deputeti Murrizi ka kërkuar nga kryeparlamentari Ruçi që të miratohet një fond rreth 1 miliard lekë që t?u mundësojë deputetëve të marrin kredi me interes zero.

Edhe Murrizi, ashtu si Alimadhi, thote se deputetët e rinj duhet të kenë dinjitet, dhe për këtë sipas tij duhet të ndihmohen nga buxheti i shtetit.

Pra, me pak fjalë Murriz kërkon shtëpi për deputetët ?e pavlerë? të Lulit, sikurse i ka cilësuar vetë kreu i PD-së.

Murrizi e justifikon kërkesën e tij, duke thënë se deputetët e rinj nuk janë aksionerë në tendera për të blerë vetë shtëpitë.

?Zoti Kryetar, dua të flas jashtë rendit të ditës, nuk e di nëse është në tagrin e Konferencës së Kryetarëve, a të bëjmë ndonjë vendim, a të biem dakord të gjithë parimisht, për 15 apo 20 deputetët e rinj, të cilët kanë nevojë të mbështeten. Më duket se deri në vitin 2009 ka qenë ligji që deputetët dhe funksionarët e lartë publik përfitonin një kredi me interes të ulët. A ekziston mundësia që të bëhet një vendim Kuvendi apo qeverie, nëse keni ndrojtje nga populizmi thoni që e ka propozuar Myslim Murrizi, që këta deputetë të marrin kredi? Ata nuk janë aksionerë as në PPP-të dhe as në tendera, por e kanë të nevojshme të mbështeten me një kredi, siç kam marrë unë, por edhe ju në vitin 1997, 1992 dhe në vitet e tjera me radhë. Nuk besoj se është hipokrizi për të ndihmuar 15 apo 20 deputetë, prandaj duhet ta bëjmë një vendim. Pra, bëhet fjalë për 1 miliard lekë të vjetër, që janë më pak se 1 milion euro. T?ia heqim Unazës 100 metra dhe t?ua japim këtyre deputetëve që të kenë edhe ata një farë dinjiteti, sepse po bëhen si arixhinjtë me çadra. Unë besoj se gjithsecili deputet që është futur tani ka një farë rëndësie për mbarëvajtjen e këtij vendi, edhe për ekzistencën në këmbë të këtij parlamenti, ishalla po na hapen negociatat. Pra, nuk na kushton asgjë t?i mbështesim për të blerë një shtëpi.?-tha Murrizi./ CNA.al





Lajmet e fundit nga