E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Apeli i fortë i gazetares së “Fiks Fare”

18 Shtator 2019, 10:51, Sociale CNA

Dje në emisionin ?Top Show? në Top Channel, në një panel gazetarësh dhe të ftuarish të Alban Dudushit u diskutua për fillimin e vitit të ri arsimor, shkollat, problematikat e të tjera detaje si këto.

Por, si shumë emisione dhe debate televizive, ku disa gjëra kalojnë pa u theksuar dhe pa u dhënë rëndësinë e duhur, ajo që ra në sy ishte fakti se Erion Kristo, pedagogu dhe gazetari, kërkoi që të kishte shumë emisione të tjera si këto me debat të gjërë për situatën e arsimit në Shqipëri. Atij parashkollor, fillor, të mesëm e më tej.

Gjithashtu edhe vetë Dudushi e pranoi dhe tha se gati e quante veten një ?ministër Arsimi?, pasi çdo vit zhvillonte disa debate, disa emisione në lidhje me këtë çështje.

Ajo që ra në sy dhe që ishte ndoshta më e rëndësishme në pjesën mbyllëse të këtij emisioni, ishte deklarata e fortë e gazetares së ?Fiks Fare?, dhe zv.kryeredaktores së këtij emisioni, Alisa Mysliu, e cila është njëkohësisht edhe nënë e dy fëmijëve.

Një gazetare me jo pak, por të paktën 16 vite eksperiencë në ?Fiks Fare?, një emision investigativo-satiristik, ndoshta nga më të ndjekurit në historinë e medias shqiptare.

Që në hapat e parë të ?Fiksit?, Alisa ka qënë gazetare dhe temat që ka trajtuar kanë qënë kryesisht shkollat dhe çështjet sociale.

Deklarata Alisës ishte mjaft e fortë. ?Do të doja të ikja nga Shqipëria vetëm për të shkolluar fëmijët?, dhe kur këtë e thotë një gazetare si Alisa, sirenat e alarmit bien fort në Shqipëri.

Ajo theksoi se diskutimi i saj familjar ishte ?duhej të qëndronin apo jo në Shqipëri?, një debat me bashkëshortin dhe familjen. Por, e vetmja arsye për të ikur siç deklaroi Alisa, ishte shkollimi i fëmijëve, që edhe një herë vjen si deklaratë apo qëndrim i mbajtur nga një gazetare me 16 vite eksperiencë dhe që ndoshta është nga të paktët që e njeh në ?majë të gishtave? situatën e arsimit në Shqipëri dhe e ka parë atë në çdo cep. Jo vetëm nga zyra apo nga qendra e Tiranës, aty ku vinë vërdallë kasetat e bashkive, institucioneve politike, apo shpërndahen nga zyrat e ministrive dhe kryeministrisë.

Por, në çdo cep të Shqipërisë, nga jugu në veri, Alisa ka shkelur në shkola, i ka parë, i ka vlerësuar, jo me fjalë por me tema konkrete dhe me emisione të zbardhura dhe të transmetuara në emisionin ?Fiks Fare? në Top Channel, gjatë këtyre viteve.

Prandaj, qëndrimi i saj nuki është nga ata që mund të kalohet lehtësisht, kur e thotë dikush që e njeh në detaj, në qelizë problemin. Dhe megjithëse ndodhet në një pozicion pune mjaft të rëndësishëm, në një televizion mjaft të rëndësishëm dhe në një emision nga më kryesorët në Shqipëri, sërish është e gatshme të sakrifikojë gjithçka që shkollimin e fëmijëve ta bëjë jashtë.

Prandaj, ata që flasin këto ditë për arsimin, ditën e parë të shkollës, librat falas apo cilësinë e arsimit në Shqipëri, e mira është të dëgjojnë deklaratën e Alisës dhe të shohin përtej saj. Të shohin tek eksperienca e saj dhe te faktet që ajo di, të shohin tek provat që ajo ka, tek gjithcka ajo ka parë dhe ka prekur në të gjithë Shqipërinë.

Ajo që thotë Alisa është e vërteta e arsimit në Shqipëri dhe alarmi i sirenave nuk ka filluar të bjerë në këtë sezon shkollor, por ka vite që bie në Shqipëri./ CNA.al