web counter
LEXO PA REKLAMA!

SHKARKO APP

E fundit!

x

Njolla gjaku në mur dhe pllaka/ Si nisi sherri midis pronarit të shtëpisë dhe punëtorit

14 Shtator 2019, 14:28, Kronika CNA

Një punëtor 51-vjeçar u godit me mjete prerëse nga pronari i shtëpisë teksa po kryente punime. Për këtë ngjarje policia arrestoi 44 vjeçarin Stefan Agolli, i njohur nga policia për precedentët e tij të mëparshëm penalë.

Ai kishte vetëm pak ditë që ishte kthyer nga Greqia, dhe po kryente rikonstruksionin e tualetit ndërsa kishte marrë dhe një punonjës i njohur si Dashamir Lecini.

Mesa duket mbrëmjen e së premtes midis të zotit të shtëpisë dhe punëtorit ka pasur një konflikt fizik, pasi pronari i banesës ka shprehur pakënaqësi për cilësinë dhe ritmin e punimeve.

Në grindje e sipër ai e ka goditur në shpinë me një mjet presës punëtorin, teksa ky i fundit ishte duke punuar.

Lajmërimi në polici është bërë nga fqinjët e pronarit të shtëpisë të cilët kanë parë punëtorin të dalë i plagosur nga banesa. Policia ka bërë të mundur arrestimin në flagrancë të shtetasit Stefan Agolli i cili tashmë akuzohet për veprën penale ?plagosje e rëndë me dashje?.

Ndërsa i plagosuri u transportua në spitalin e Traumës dhe ndodhet jashtë rrezikut për jetën./CNA.al





Lajmet e fundit nga