web counter
LEXO PA REKLAMA!

SHKARKO APP

App Store
Google Play

E fundit!

x

Punonjësi vdes gjatë marrëdhënieve intime/ Gjykata merr vendimin e papritur

13 Shtator 2019, 10:17, Kosova & Bota CNA

Një kompani franceze u shpall përgjegjëse për vdekjen e një punonjësi të saj, që pësoi arrest kardiak gjatë marrëdhënieve seksuale me një të panjohur në një udhëtim pune.

Vendimi u mor nga një gjykatë në Paris, që e vlerësoi vdekjen e punonjësit të ndjerë, të quajtur Xavier X, si aksident në punë dhe se familja e tij kishte të drejtën e marrjes së kompensimit nga punëdhënësi.

Kompania vetë u mbrojt duke deklaruar se personi në fjalë nuk ishte në detyrë në momentin që shoqërohej nga e panjohura në dhomën e hotelit. Por, gjyqtari tha se sipas ligjeve franceze, punëdhënësi është përgjegjës për çdo aksident dhe të papritur që mund t?i ndodhë punëmarrësit gjatë një udhëtimi pune.-shkruan Tema.

Xavier X punonte si inxhinier për kompaninë TSO, me bazë në Paris, por që operon në fushën e shërbimeve dhe riparimit të hekurudhave në një pjesë të mirë të Francës. Ai vdiq në një dhomë hoteli në Francën qendrore në vitin 2013. Për të shmangur detyrimet e kompensimit kompania e përshkroi vdekjen si pasojë e një ?marrëdhënieje jashtëmartesore me një të panjohur perfekte?.

Megjithatë, autoritetet shtetërore të sigurisë në punë vendosën që vdekjen e tij ta kategorizojnë si ?aksident në punë?. Kompania e sfidoi këtë vendim dhe në gjykata u mbrojt duke deklaruar se ?seksi ishte normal, si ushqimi, uji, apo bërja e banjës? dhe nuk mund të përfshihej tek ?aksidentet në punë?.

Por, gjykata e Parisit e rrëzoi këtë këndvështrim të kompanisë TSO dhe tha se gjatë një udhëtimi pune, punonjësi gëzon mbrojtjen e plotë sociale gjatë gjithë kohës që është në atë udhëtim, pavarësisht rrethanave dhe orareve.





Lajmet e fundit nga