web counter
LEXO PA REKLAMA!

SHKARKO APP

App Store
Google Play

"Do t'iu ndjekim këmba-këmbës"/ Basha kërcënon deputetët

12 Shtator 2019, 10:45, Politikë CNA

Kreu i PD-së Lulzim Basha në një konferencë për mediat ka kërcënuar hapur deputetët.

Kërcënimi i tij ka ardhur pas kthmit të koncensionit në Kuvend nga Presidenti Ilir Meta që janë rrëzuar më herët nga Komisionet përkatëse dhe pritet të rrëzohen edhe sot në Kuvend.

“Në këto momente pak metra pas meje në Kuvendin e cunguar, landfillin e Republikës së Shqipërisë po finalizohet grabitja më e madhe në historinë 30-vjeçare në historinë e pluralizmit. Koncesioni i rrugës Milot-Balldren i Ndue dhe Agim Kolës me vjelë 296 milionë euro apo 17 mln euro për kilometër dhe koncesioni i rrugës Orikum-Dukat i Lorenc Gjikurisë me vlerë 70 mln euro. Dekreti i Presidentit të Republikës për kthimin e këtyre dy kontratave korruptive po bëhet gati të kthehet poshtë nga cjapët dhe delet e korrupsionit në parlamentin e dalë si pasojë e krimit të organizuar dhe blerjes së votave. Vetëm një parlament ilegjitim i përbërë jo nga burra e gra që përfaqësojnë socialistët por skllevër të krimit e oligarkëve mund të votojnë kontrata të tilla. Vetëm një parlament peng i krimit e oligarkëve mund të bëhet noter. Kush ngre dorën të rrëzojë dekretin do të jetë subjekt i Ligjit antimafia. Nesër do t’iu ndjekim këmba këmbës. Ajo çfarë votohet sot nga landfilli i Republikës është një vjedhje me ligj”, ka thënë Basha, ndërsa nuk ka kursyer sulmet ndaj Ramës, duke e quajtur atë hajdut./CNA.al





Lajmet e fundit nga