web counter
LEXO PA REKLAMA!

SHKARKO APP

App Store
Google Play

Parlamenti miraton heqjen e imunitetit të deputetëve

3 Shtator 2019, 16:34, Kosova & Bota CNA

Megjithatë, shumë analistë perëndimorë, ndër ta edhe përkrahës të Presidentit, po humbasin durimin duke pritur vënien në zbatim të reformave të premtuara dhe që do ti japin hov rikthimit të stabilitetit të vendit.

Sikurse raporton radioja “Zëri i Amerikës”,Parlamenti i Ukrainës votoi pro heqjes së imunitetit të deputetëve, duke shënuar një fitore për Presidentin Volodimir Zelenski, i cili bëri fushatë me premtimin për të luftuar korrupsionin.

Parlamenti miratoi të martën me 373 vota pro, tre abstenime dhe 28 mungesa ligjin e ri për heqjen e imunitetit që i mbronte deputetët nga ndjekja ligjore.

Presidenti Zelenski ishte i pranishëm në seancën parlamentare. Ai u përpoq të qetësonte frikën se pas kësaj mase deputetët mund të bëhen objekt përndjekjesh politike nga pushtetarët. Deputetët nuk do të përndiqen për veprime politike, apo për deklaratat e tyre, tha presidenti.

Volodimir Zelenski, ish-humorist që u zgjodh president me premtimin për të zhbërë sistemin e korruptuar politik në Ukrainë, gëzon mbështetjen e Parlamentit ku partia e tij, Shërbëtorja e Popullit, ka 254 nga 450 vendet e organit legjislativ, duke i dhënë atij një mandat të fuqishëm për të përmbushur premtimet e fushatës.

Ukraina u rendit e 120-ta në Indeksin e 2018 mbi Perceptimin e Korrupsionit të organizatës Transparency International.





Lajmet e fundit nga