web counter
LEXO PA REKLAMA!

SHKARKO APP

App Store
Google Play

E fundit!

x

Ironia e hidhur e deputetit/ Kryeministri fut sherrin midis çifteve

30 Gusht 2019, 16:59, Politikë CNA

Thirrjet e kryeministrit Edi Rama për të zëvendësuar drejtuesit meshkuj të administratës së Shkodrës me femra, për arësye se ofrojnë më shumë ndershmëri, aftësi dhe profesionalitet, ka nxitur shpërthimin e ironisë therëse të deputetit të listës së PD-së, Lefter Maliqi.

Nëpërmjet një postimi në faqen e tij në rrjetet sociale, nën ndjesinë e ironisë, Maliqi e ka “pagëzuar” kryeministrin me emrin e femërorizuar “Edije”, ndërkohë që nën të njejtën ndjesi konstaton se publikimi nga Kryeministri në Shkodër se drejtuesit duhet të jenë femra ka sjell nisjen e garës për të lindur vajza.

“Edije është emri i ri i Kryeministres. Plasin konfliktet mes çifteve dhe bashkëshorteve në Shqipëri. Pas publikimit nga rilindasi Edi që drejtuesit në Shkodër duhen femra, çiftet kanë vendosur të lindin vetëm vajza. Po ti kenë djem do ti abortojnë. Djemtë tek ne nuk kanë të ardhme. Edi Kryeminister i popullsisë vetëm me gra. Pritet që Edi të zyrtarizoj ndërrimin e emrit se Kryeministri duhet grua, po kështu dhe ministrat. Edi = Edije, Pandeliu = Pandora, Erjoni = Erjona, Blendi = Bleda, Sandri = Aleksandra, Genti = Genta, Çuçi = Cuca. Gjithë ky ndryshim dhe kjo masë ndëshkuese për burrat vjen se Edi, ose Edija, ja di vlerën grave pa mbarim në Bashki e Qeveri. Kjo tregon se Edi njihet si respektues i të drejtave të grave dhe është kundra dhunës ndaj grave????”, shkruan deputeti Maliqi. /CNA.al





Lajmet e fundit nga