web counter
LEXO PA REKLAMA!

SHKARKO APP

App Store
Google Play

E fundit!

x

Kanabizimi dhe Rilindja/ Qytetarët i përvishen Lleshajt

14 Gusht 2019, 06:57, Kronika CNA

Kur ka disa ditë që është transmetuar emisioni “Narcotika” në Rai3 mbi kanabizimin e Shqipërisë, ende vijojnë reagimet.

Qytetarë të shumtë vijojnë t’i reagojnë Ministrit të Brendshëm Sandër Lleshaj, përgënjeshtroi të dhënat që u publikuan në emison.

“Disa histori nga e shkuara si Lazarati, kjo ?markë? autentike e PD, apo edhe episode të tjera të shkuara (përzier në nj? sallatë televizive sensacionale, pa asnjë vlerë dokumentare, po me synimin e vetëm audiencën e interesuar për shoë) kanë frymëzuar opozitën e plandosur jashtë-parlamentare.

E vërteta është krejt ndryshe nga çka paraqet mishmashi televiziv i përgatitur nga njerëz që janë larg së qeni në nivelin e respektit tonë për kanalin publik italian”, tha Lleshaj, një ditë pas transmetimit të emisionit “Narcotika”.

Por, qytetarët vijojnë t’i kujtojnë Lleshaj, se jo vetëm në Itali, por në disa media të Evropës, është transmetuar realiteti gri me Shqipërinë e kanabizuar.

“6 vitet e fundit Shqipëria zë vendin e parë në të gjitha kanalet dhe TV e Europës, si vendi i parë për kultivimin dhe trafikimin e drogës edhe rivdekja e quan sukses. Ashtu është në fakt nga 91 deri tani vetëm suksese ka çdo qeveri hajdute dhe populli vazhdon barkun bosh edhe duartroket 30 vjet greminë”, i shkruan një qytetar, Lleshajt.

Të tjerë i tërheqin vëmendjen ministrit, duke i thënë se ishte prokurori i antimafias që foli për kanabizimin e Shqipërisë, një njeri që ka fakte dhe nuk flet në ajër.

“Ka folur edhe prokurori i antimafias italiane mor burrë, po çfarë jeni ju që edhe Trump në qoftë se flet për ju i kacafyteni, gjë që nuk ndodh të merret Trump me ju , por ju mendoni se keni bërë budalla dhe zap popullin shqiptar. Kërkoni që të bani të njëjtën gjë edhe me Italinë, Gjermaninë, Francën, Holandën. Ju e dini se këto dinë shumë më tepër se kaq për ju”, i shkruan një tjetër qytetar./CNA.al





Lajmet e fundit nga