web counter
LEXO PA REKLAMA!

SHKARKO APP

App Store
Google Play

E fundit!

x

Paralajmëroi tërmet apokaliptik/ Presidenca sqaron letrën e Metës

30 Korrik 2019, 11:51, Politikë CNA

Presidenca ka reaguar sot, në lidhje me letrën që kreu i shtetit Ilir Meta i drejtoi një ditë më parë kryeministrit Edi Rama, zëvendës kryeministrit Erion Braçe dhe ministres së Mbrojtjes, Olta Xhaçka, ku paralajmëronte se një tërmet apokaliptik do të godasë Ballkanin.

Bahri Shaqiri u shpreh sot se letra u dërgua pas shqetësimit të sizmiologut grek Akis Tsenelis dhe pasqyrimit sipas tij në mediat kombëtare dhe ndërkombëtare.

“Presidenti iu drejtua dje me një kërkesë për informacion Ramës, Braçes dhe ministres së Mbrojtjes mbi kapacitet dhe masat për parandalimin e fatkeqësive natyrore. Kërkesa ishte për parandalimin e pasojave të mundshme për qytetarët. Pas shqetësimit të drejtorit të Institutit Gjeodinamik të Athinës për tërmet për riskun potencial për një fatkeqësi natyrore në mediat ndërkombëtare.

Kryeministri dhe ministrat duhet të përgjigjen. Cdo nënvlerësim do të shënohet me vëmendje nga Presidenti. Ne do i vendosim në dispozicion një listë me mediat kombëtare dhe ndërkombëtare që kanë shkruar për këtë gjë” tha ai.

Bahri Shaqiri ndër të tjera theksoi se situata e tërmeteve në Greqi, është mjaft shqetësuese edhe për vendin tonë, pas sikurse e cilësoi ai ?Greqia është vend fqinj me Shqipërinë dhe jo me Zelandën e re?.

Po ashtu ai përmendi edhe tërmetin në Korçë, ndërsa theksoi se është arsye e mjaftueshme që presidenti të kërkojë informacion me shkrim për masat e marra nga qeveria.

Më tej, ai theksoi se rrjedhja në media e letrës së kreut të shtetit, është mungesë përgjegjshmërie nga ana e institucioneve shtetërore.vijon/ CNA.al





Lajmet e fundit nga