web counter
LEXO PA REKLAMA!

SHKARKO APP

App Store
Google Play

E fundit!

x

Ligji i ri/ Shtrëngohet laku për bizneset vogla

27 Korrik 2019, 06:33, Ekonomi CNA

Që nga sot bizneset e vogla mund të dënohen më shumë se sa fitojnë nëse nuk kanë një llogari bankare.

Dje ka hyrë në fuqi ligji nr. 31/2019 ?Për disa shtesa në Ligjin nr. 9920, datë 19.05.2008,që detyron të gjitha bizneset, edhe ato të vogla, që të hapin llogari bankare, me pretendimin se është pjesë e një pakete masash për të luftuar fenomenin e pastrimit të parasë në Shqipëri.

Ligji parashikon që biznesi dhe OJF-të janë të detyruara të hapin llogari bankare dhe nëse kjo nuk ndodh, ato do të penalizohen. Për secilën kategori, masa e gjobave është e ndryshme.

Në rast të mospërmbushjes së detyrimit tatimor të sipërcituar, ligji parashikon sanksione për tatimpaguesit.

Tatimpaguesit persona fizikë tregtarë, të regjistruar për Tatimin mbi Vlerën e Shtuar, me qarkullim deri në 8 milionë lekë, gjobë në masën 50 mijë lekë, shkruan shqiptarja.com.

Tatimpaguesit persona juridikë, pavarësisht nga qarkullimi, si dhe tatimpaguesit persona fizikë tregtarë, me qarkullim mbi 8 milionë lekë, gjobë në masën 100 mijë lekë dhe së treti organizatat jofitimprurëse, gjobë në masën 75 mijë lekë.

Në rast se subjekti nuk ka llogari bankare për transaksionet që kryen edhe pas dënimit si më sipër, dënohet me dyfishin e gjobës së parë.

 





Lajmet e fundit nga