web counter
LEXO PA REKLAMA!

SHKARKO APP

App Store
Google Play

Korrupsion dhe falsifikim dokumentash/ Prangosen zyrtarët e bashkisë

27 Korrik 2019, 10:32, Kronika CNA

Policia ka arrestuar sot dy inspektorë të taksave që punonin në Bashkinë e Shkodrës pasi akuzohen për korrupsion, shpërdorim detyre dhe falsifikim dokumentash.

Të arrestuarit janë Idlir Dibra 49 vjeç, banues në Shkodër dhe Gegë Nika52 vjeç, banues në fshatin Grudë e Re Shkodër.

Njoftimi i policisë

Finalizohet operacioni policor i koduar ?Akomoduesi 2″

Arrestohen dy Inspektorë të Zbatimit në Drejtorinë e të Ardhurave në Bashkinë Shkodër për veprat penale ?Korrupsion pasiv i personave që ushtrojnë funksione publike?, ?Shpërdorim detyre?, dhe ?Falsifikim dokumentash?.

Procedohet në gjëndje të lirë Drejtori i kësaj Drejtorie për veprën penale ?Shpërdorim detyre?, dhe pronari i një hoteli për ?Fshehja e të ardhurave?.

Në zbatim të planit të masave për Sezonin Turistik 2019, nga Seksioni për Hetimin e Krimit Ekonomiko-Financiar, në D. V. P. Shkodër, në kuadër të operacionit policor ?Akomoduesi 2? , janë ushtruar kontrolle në disa subjekte në Plazhin e Velipojës.

Si rezultat i këtyre kontrolleve janë evidentuar shkelje të bëra nga ana e punonjësve të bashkisë Shkodër dhe subjekteve në lidhje me deklarimin e të ardhurave.

Për këto shkelje u bë ndalimi i shtetasve:

Si dhe u procedua në gjendje të lirë Drejtori i Drejtorisë së të Ardhurave në Bashkinë Shkodër shtetasin, B. Gj. 41 vjeç, për veprën penale të ?Shperdorim detyre?.

Keta shtetas në bashkëpunim me njeri-tjetrin, duke qënë në pozicionin e inspektorëve të zbatimit në Drejtorinë e të Ardhurave në Bashkinë Shkodër, ku me anë të falsifikimit të dokumentave kanë shpërdoruar detyrën dhe kanë favorizuar në këmbim të marrjes së ryshfetit në një subjekt (hotel) në Plazhin e Velipojës, duke mos deklaruar numrin real të dhomave të këtij hoteli, me qëllim mospagimin e taksës reale që përfiton Bashkia Shkodër.

Në vijim të veprimeve u procedua pronari i hotelit shtetasi K. L. 27 vjeç, banues në Velipojë Shkodër, për veprën penale ?Fshehje e të Ardhurave.

Materialet i kaluan Prokurorisë Pranë Gjykatës së Shkallës së Parë Shkodër, për veprime të mëtejshme./CNA.al





Lajmet e fundit nga