web counter
LEXO PA REKLAMA!

SHKARKO APP

App Store
Google Play

E fundit!

x

“S’ka ligj që justifikon shembjen e Teatrit”/ Ish-ministri “nxjerr zbuluar” Ramën

25 Korrik 2019, 11:10, Politikë CNA

Ish-ministri i Drejtësisë në qeverinë ?Rama 1?, Ylli Manjani, ka komentuar në rrjetet sociale situatën lidhur me çështjen e Teatrit Kombëtar.

Manjani shkruan se ligji për Teatrin është antikushtetues pasi nuk është më në fuqi. Sipas Manjanit, ky ligj ka qenë me afat deri në dhjetor të 2018, ndaj ish-ministri argumenton se tashmë nuk ka asnjë ligj në fuqi që të justifikojë shembjen e TK.

 Postimi i Manjanit

Përrallat me mazhorancën e Rajmondës dhe minorancën e Edmondit, nuk mund të fshehin pisllëkun që është kurdisur kundër çdo ligji!

Edhe ligji anti-kushtetues që bënë për këtë çështje KA RËNË NGA FUQIA!!!

Ka rënë sepse vetë i vunë afat atij ligji deri në dhjetor 2018.

Nuk ka asnjë, po asnjë ligj sot në fuqi që të justifikojë as shëmbjen e teatrit,as ndërtimin e një të riu, as me para publike e as me marrëveshje private!

NUK KA!

Ose të na e tregojnë ku e kanë, se mbase e kanë sekret si tendërat që bëjnë fshehtas.

Por në inventarin publik të ligjeve në fuqi, nuk ka një ligj që ti legjitimojë.

Edhe ligji për legalizimin ka rënë tashmë nga fuqia.

Ndaj ska fare rëndësi se ç’thotë “mazhoranca” e Monda Bulkut e as “minoranca” e Mond Budinës!

Teatri Kombëtar është pasuri publike dhe pjesë e trashëgimisë historike e kulturore.

Mazhorancat e minorancat nuk pijnë ujë fare!

Kjo është çështje e pastër ligjzbatimi.

Normalisht nuk kemi pse të presim SPAK për të ndaluar keqbërësit…

Por këto krime as parashkruhen e as harrohen./CNA.al





Lajmet e fundit nga