web counter
LEXO PA REKLAMA!

SHKARKO APP

App Store
Google Play

E fundit!

x

Nga gjykata në KQZ tek Partia Demokratike/ Zbulohet pasuria e Çlirim Gjatës në postet shtetërore

24 Korrik 2019, 12:14, Kronika CNA

Sekretari për çështjet ligjore në Partinë Demokratike, Çlirim Gjata, rezulton zyrtari më i varfër i selisë blu, të paktën gjatë kohës që ka qenë pjesë e institucioneve shtetërore.

Të dhënat e pasurisë së tij që ndodhen në ILDKPKI, iu përkasin viteve 2003 deri në 2008.

Por, që prej vitit 2008, nuk dihet se çfarë ka ndodhur me pasurinë e tij, pasi duke mos qenë më institucione shtetëtore nuk e ka të deklaruar.

Pas largimit nga KQZ, Gjata ka ushtruar profesionin e avokatit dhe sot njihet si avokati i PD.

Gjata, një nga zërat më debatues për çështjet e drejtësisë, i ka dorëzuar funksionet shterore, me të ardhura vetëm nga paga e tij dhe e bashkëshortes.

Në vitin 2003, kur ai ka qenë në Gjykatën e Lartë ai ka deklaruar një apartament të përfituar nga privatizimi, ndërsa në vitin 2004 deklaron një depozitë bankare, 3 000 dollarë si dhe një autoveturë tip Ford Fiesta, 100 000 lekë.

Ndërsa në vitin 2005 kur ka kaluar në KQZ, nuk deklaron shtim të pasurisë së patundshme, ndërsa në vitin 2008 pas largimit nga KQZ, ka deklaruar se ka shitur apartamentin me siprfaqe 75 m2, në vlerën 62 500 euro.

Gjyqtar apo anëtar KQZ, kaq të varfër nuk gjejmë në ditët e sotme, por edhe profesioni i avokatit të cilin e ushtron sot Gjata, nuk është se të lë pa pasuri.

Më poshtë po sjellim e deklaruar nga Çlirim Gjata, në kohën që ai ishte pjesë e institucioneve shtetërore.

Viti 2003

Shtëpi banimi,apartament, përfituar nga privatizimi.

Paga mujore nga Gjykata e Lartë, 595 017 lekë.

Viti 2004

Depozitë bankare, 3 000 dollarë.

Një autoveturë tip Ford Fiesta, 100 000 lekë.

Paga nga Gjykata e Lartë, 1 158 948 lekë.

Elinda Gjata, të ardhura nga spitali Obstetrik Gjinokologjik, 252 000 lekë.

Viti 2005

Të ardhura si anëtar i KQZ, 2 195 800 lekë.

Të ardhura nga fakulteti juridik Luarasi, 94 000 lekë.

Të ardhura nga shkolla e magjistraturës, 18 010 lekë.

Bashkëshortja Elinda Gjata, të ardhura nga spitali Obstetrik Gjinokologjik, 422 270 lekë.

Viti 2006

Paga nga KQZ, 1 928 720 lekë.

Bashkëshortja Elinda Gjata, të ardhura nga spitali Obstetrik Gjinokologjik, 570 780 lekë.

Kredi për blerjen e një automjeti, 300 euro pagesë në muaj.

Viti 2007

Paga në KQZ, 1 971783 lekë.

Paga si pedagog në fakultetin juridik, Luarasi, 60 300 lekë.

Bashkëshortja Elinda Gjata, të ardhura nga spitali Obstetrik Gjinokologjik, 415 720 lekë.

Viti 2008 (Deklarata vjetore )

Paga si ish kryetar i KQZ, 300 000 lekë.

Paga e bashkëshortes si pedagoge tek fakulteti i infermierisë, 100 000 lekë.

Viti 2008 (Deklarata pas largimit)

Pakësim i pasurisë së paluajtshme, shitur apartamenti me sip 75 m2, 2+1, në vlerën 62 500 euro.

Paga si kryetar i KQZ, -së, 2 416 950 lekë.

Paga si pedagog në UET, 500 euro.

Paga për 9 muaj si pedagog i jashtëm fakultetin juridik, Luarasi, 243 000 lekë.

Bashkëshortja Elinda Gjata, të ardhura nga spitali Obstetrik Gjinokologjik, 342 000 lekë.

Paga e bashkëshortes si pedagoge tek fakulteti i infermierisë, 198 000 lekë.

Kredi bankare 9 837 euro./CNA.al

 

 

 

 

 

 

 

 

 





Lajmet e fundit nga