web counter
LEXO PA REKLAMA!

SHKARKO APP

E fundit!

x

Mbledhja e KLP-së/ Zbardhen vendimet

22 Korrik 2019, 09:17, Aktualitet CNA

Në mbledhjen e sotme, Këshilli i Lartë i Prokurorisë ka caktuar drejtues të Përkohshëm të Prokurorisë së Apelit të Krimeve të Rënda, Altin Dumanin.

Më herët ky post është mbajtur nga Fehmi Petku, i cili u shkarkua nga detyra nga KPK pasi kishte probleme me deklarimin e pasurisë.

Po ashtu në mbledhjen e sotme, ku mungonte Prokurori Besnik Cani, u miratua me vota unanime në mënyrë të përkohshme prokurori Isa Jata në pozicionin e Prokurorit në Prokurorinë e Gjykatës së Apelit të Krimeve të Rënda.

Në Prokurorinë e Gjykatës së Shkallës së Parë në Gjirokastrës, u emërua Julian Cafka.

KLP ka miratuar me 10 vota pro, projekt-vendimi për caktim të përkohshëm të prokurores Rozeta Qirjaqi në pozicionin e Drejtuesit në Prokurorinë pranë Gjykatës së Apelit, në Korçë.

Gjithashtu KLP ka miratuar po me 10 vota pro projekt-vendimin për caktim të përkohshëm të prokurores Irena Çunoti, prokurore në Prokurorinë pranë Gjykatës së Shkallës së Parë Korçë, në pozicionin e prokurores në Prokurorinë pranë Gjykatës së Apelit Korçë./ CNA.al





Lajmet e fundit nga