E fundit!

09:13 Kronika

Vodhën milionat për pensionet dhe ndihmat sociale/ Në pranga tri zyrtaret e Postës Shqiptare

Një rast skandaloz dhe kriminal është regjistruar në Durrë...

Shtyhet sërish seanca gjyqësore ndaj Tahirit/ Ish-ministri zbulon arsyen qesharake

17 Korrik 2019, 08:33, Aktualitet CNA

Gjykata për Krimet e Rënda ka shtyrë sërish sot për të tretën herë seancën gjyqësore ndaj ish-ministrit të Brendshëm, Saimir Tahiri.

Saimir Tahiri, në një deklaratë për mediat, i ka cilësuar qesharake arsyet e shtyrjes së seancës gjyqësore, kjo pasi sipas tij prokuroria ka humbur dokumentet.

?Siç e dini kjo është hera e tretë që shtyhet seanca gjyqësore. Herën e parë se ca letra të postës ishin të grisura, herën e dytë sepse policia nuk bëri njoftimin dhe e treta se prokuroria paska humbur disa letra?-tha Tahiri.

Më tej, ish-ministri u shpreh se ?Edhe një çerdhe kalamajsh është më e organizuar sesa kaq. Të humbasin letra në prokurori, kur ka një ptrotokoll ka një sistem.

Çfarë sistemi është ky kur me këto letra kërkoi arrestimin tim, sot thotë më kanë humbur. Kjo është qesharake?-u shpreh Tahiri.

Më tej, Tahiri tha se me këto dokumente u kërkua arrestimi i tij në parlament, ndërsa tani thonë se paskan humbur.

?Një procedim nisi me kërkesën për arrestimin tim dhe letrat janë zhdukur. Kjo është qesharake, kjo nuk ndodh as në dyqan. Përkthimet janë në prokurori. Di të them që e quaj të tepërt të shtyhet gjyqi për herë të tretë, qesharake, skandaloze, poshtëruese për drejtësinë dhe jo për mua. Unë kam konstatuar edhe mungesa të tjera, drejtuesja e prokurorisë më kanë thënë se dosja është e saktë, sikur e keni marrë edhe ju. Më intereson që gjyqi të mos zgjatet. Është e shëmtuar si mund të ndodhë kjo në Prokurorinë e Krimeve të Rënda, dhe bëhet fjalë për shkresa që i keni nxjerrë ju në gjuhën shqipe, kur i ka media nuk i ka prokuroria?! Ata janë dëshmi në favorin tim, por nuk i dua, heq dorë, vetëm gjyqi të mos shtyhet. Nuk mund të bëj edhe postierin, edhe policin edhe të pandehurin. Një seancë postieri solli ca letra të grisura, një seancë nuk bëri njoftimet dhe tani hataja më e madhe është që paskan humbur letrat. Më gjeni një tjetër institucion që ka humbur letrat në këtë mënyrë, atëherë Republika ka rënë. Nuk spekuloj dot se ka shumë variante, janë njëri më i keq se tjetri, por di që do ia dal herët apo vonë dhe keni për ta parë” tha ish-ministri i Brendshëm, Saimir Tahiri./ CNA.al