Emërimi i koordinatorëve/ Kaos në PD, fillojnë përplasjet

16 Korrik 2019, 09:41, Aktualitet CNA

Kryetari i Partisë Demokratike, Lulzim Basha rreth tre ditë më parë ka bërë emërimet e koordinatorëve nëpër degët e PD-së në rrethe. Disa emërime thuajse kontradiktore, totalisht dhe të pa mirëmenduara të cilat kanë çuar menjëherë në përplasje me degët.

Së pari, në shumë degë janë çuar persona që nuk kanë lidhje me zonën përkatëse apo nuk e njohin dhe për më tepër pa eksperiencë fare në mënyrën sesi duhet të organizohen degët dhe si duhet të rrinë në kontakt me bazën.

Por, kjo ka ardhur në nxitim e sipër nga Lulzim Basha dhe ka sjellë pasoja të menjëhershme.

Ka rënë në sy se dhjetë anëtarë kryesie nuk kanë marrë detyra koordinuese, çka ka sjellë menjëherë edhe përplasje mes tyre.

Por, ajo që bie në sy është edhe fakti se koordinatorët kanë kërkuar që të jenë ata të deleguarit e degëve. Ndërkohë, që nuk kanë këtë detyrë.

Detyra e tyre e përcaktuar nga Basha, është thjeshtë dhe vetëm udhëzim për punën që ata do të kryejnë deri në fund të muajit gusht.

Ndërsa në degë, të deleguar do të ishin personat që kanë qënë më parë. Kjo ka shkaktuar edhe një përplasje dhe një kaos të vërtetë.

Pra, në Berat është i deleguar Eno Bozdo, por koordinatori i ri është Taulant Zeneli. Ndërkohë, që Bozdo megjithëse ka qënë sekretar i PD-së dhe është anëtar i kryesie, nuk ka asnjë degë si koordinator.

E njëjta situatë ndodh edhe në Korçë, ku i deleguar është Ervin Salianji, por ka shkuar si koordinator Sait Dollapi. Nga ana tjetër, Salianjin e kanë çuar në Gjirokastër.

Në disa degë, si në Shkodër, Gazment Bardhi është refuzuar nga strukturat e Partisë Demokratike.

Përplasje ka pasur edhe në degët e Vlorës apo Fierit, ku koordinatorët dhe të deleguarit e qendrës janë persona të ndryshëm dhe do të shkojnë disa njerëz me mandate të përkoshëm, e do të kontrollojnë njerëzit që kanë përgjegjësitë e organizimit apo vëzhgimit dhe mbikqyrjes së punës aktuale që kryen dega.

Ç?ka do të thotë se Lulzim Basha tashmë, përveç se i ka përplasur kokë me kokë, po përpiqet që t?i turbullojë më tej ujërat brenda PD-së.

Shumë nga të deleguarit nuk kanë shkuar fare në degët e tyre, ose i kanë braktisur ato, edhe për shkak të situatës politike. Disa të tjerë nuk kanë qënë të kënaqur me vendet që kanë pasur. Kështu që kanë krijuar një zbrazëti në bazë.

Nga ana tjetër do shkojnë koordinatorët, të cilët do t?i konstatojnë të gjithë këto veprime apo mos veprime të të deleguarve. Këto të gjitha do t?i raportohen kryesisë dhe kryetarit dhe menjëherë do të fillojë një betejë e fortë mes të deleguarve dhe koordinatorëve, në rast se do të punohet vërtetë për t?u ringritur.

Në të kundërt, në rastet kur s?ka debate, koordinatorët do të shkojnë të raportojnë tek Lulzim Basha gënjeshtrat e të deleguarve dhe situata në PD do të ngelet po e njëjta.

Por, fërkimet e para kanë filluar. Jo në funksion të interesave politike dhe organizimit të PD-së, por të interesave individuale të të deleguarve apo koordinatorëve, të cilët po luftojnë tashmë me njëri-tjetrin, dhe e shohin emërimin e tyre si një betejë për listën e ardhshme të deputetëve në qarkun përkatës./ CNA.al

Basha gjen përgjegjësit/Fajin e kanë të deleguarit, kryetarët e degëve dhe baza!!!

Basha qarkullon koordinatorët/ Limonin e shtrydhur e do portokall