web counter
LEXO PA REKLAMA!

SHKARKO APP

App Store
Google Play

Hetimi i pasurive të zyrtarëve të lartë/ Prokuroria "sekuestron", regjistrin e Hipotekave

14 Korrik 2019, 06:28, Aktualitet CNA

Një raport i Ministrisë së Drejtësisë për monitorimin e zbatimit të strategjisë kundër korrupsionit gjatë tremujorit të parë të vitit 2019, ka sinjalizuar për vënien në lëvizje të strkturave të shtetit në luftën nga krimit të organizuar dhe korrupsionit.

Në raport thuhet se organi i akuzës tashmë do të ketë akses në regjistrin elektronik të pasurive të paluajtshme, ndërsa policia ka siguruar aksesin në bazat e të dhënave dhe në regjistrat elektronike shtetërore të disa institucioneve publike, shkruan Shqiptarja.com.

?Hetimi dhe ndëshkimi i një krimi të zakonshëm zakonisht përfshin trion polici, prokurori dhe gjyqësor, hetimi i suksesshëm i krimit ekonomik përfshin një gamë më të gjerë aktorësh si ILDKPKI, KLSH, DPPPP, subjekte private si bankat, firmat e ndërtimit, agjencitë e pasurive të patundshme, agjencitë e udhëtimit etj, etj”, shkruhet në raport.

 Sipas raportit të Ministrisë së Drejtësisë, Policia e Shtetit, gjatë tremujorit të parë të vitit 2019, ka marrë 57 informacione për lëvizjen e parave të pista brenda dhe jashtë vendit.

 Ndërkaq, ligji për sinjalizuesit e korrupsionit në administratë ka nisur të janë rezultate. Gjatë tremujorit të parë të 2019, ?spiunët? në administratë dhe jashtë saj kanë sinjalizuar policinë për 78 raste korrupsioni, të cilat janë referuar në Prokurori.

Prokuroria e Përgjithshme  ka ?marr në dorë? regjistrin elektronik të pasurive të paluajtshme, në kuadër të planit për evidentimin, sekuestrimin dhe konfiskimin e pasurive të paligjshme.





Lajmet e fundit nga