E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

30 ditë! Dekreti i Metës nuk shqyrtohet dot më në Gjykatën Kushtetuese!

11 Korrik 2019, 07:21, Aktualitet CNA

Sot është data 11 Korrik. Praktikisht dje është ezauruar afati 30 ditor i ankimimit (nga palet e interesuara) në Gjykatën Kushtetuese, për dekretin e datës 10 Qershor, për ç’dekretimin e datës së zgjedhjeve.

Duhet të jetë e qartë për demokratët dhe besimtarët e fundit që mund të kenë mbetur në PD ndaj udhëheqësit Basha, se fakti që Gjykata Kushtetuese nuk mund të mblidhet dot sot, nuk do të thotë që nuk depozitohen dot ankimime.

Por askush deri sot nuk depozitoi ndonjë ankimim në Gjykatën Kushtetuese, e që të kishte si objekt shqyrtimi kushtetutshmërinë ose ankikushtetutshmërinë e ç’dekretit të presidentit Meta, të datës 10 Qershor.

Kjo do të thotë që PD dhe LSI deri sot kanë genjyer kur thoshin se për ta dekretet e presidentit shqyrtohen vetëm nga Gjykata Kushtetuese.

Asnjëri nuk ju drejtua Gjykatës Kushtetuese.

Shpresojmë që më në fund të jetë bërë e qartë edhe për kryetarët e bashkive të opozites, që as Luli dhe as Mona, nuk u kujdesen që të pakten për sy e faqe të bënin sikur e kishin seriozisht luftën për dekretin e burrit të Monës.

Fakti që afatet e parashikuara që çështja të mund të shqyrtohej dikur nga Gjykata Kushtetuese, u harruan dhe po përpiqen të kalohen në heshtje, tregon që ç’dekretin nuk e kanë marrë seriozisht as ata vetë.

Kjo tregon që ç’dekreti ishte letra që u shkrua, për t?u ndezur me dëshirën që me atë flake ti jepej sinjali një zjarri që shpresonin të digjte Shqipërinë.

Afati i akmimimit kaloi!

Tani dekreti është zyrtarisht edhe i paankimuar askund. As tek ajo gjykatë në të cilen Lul Basha dhe gjithë shpura e juristëve të mbetur në PD, kanë 30 ditë që pretendojnë se është e vetmja gjykatë që mund të shqyrtojë kushtetutshmërinë e dekreteve të presidentit.

Kapërcimi në heshtje i atij afati, pas shkrepsës që e ndezi, e bën zyrtarisht atë ç’dekret, një grumbull hiri. Pas shiut të këtyre ditëve, prej tij nuk do mbetet më asnjë gjurmë.

Ai ç’dekret nuk bindi dot as atë që e firmosi./ CNA.al