web counter
LEXO PA REKLAMA!

SHKARKO APP

App Store
Google Play

Zgjedhjet e 30 qershorit/ Zbulohen bashkitë me numrin më të lartë të pjesëmarrjes

8 Korrik 2019, 17:38, Aktualitet CNA

Pas mbylljes së zgjedhjeve të 30 qershorit u hap një debat për numrin e pjesëmarrësve në këto zgjedhje për të cilat opozita shprehet se nuk i kalon 15%, ndërkohë që raporti i KQZ-së e nxorri rreth 24.12%.

CNA.al ka arritur të sigurojë të dhënat për pesë nga bashkitë që patën pjesëmarrjen më të lartë në procesin e votimit të 30 qershorit.

Në vendin e parë me pjesëmarrjen më të lartë renditet Bashkia e Pustecit, e cila në total ka 4360 votues dhe morën pjesë në proces 2417 prej tyre, e kthyer në përqindje rreth 55,44%, që shënon dhe numrin më të lartë të pjesëmarrësve në procesin zgjedhor të 30 qershorit.

Pas Pustecit renditet bashkia Librazhd, e cila ka 33021 votues, nga të cilët 12388 e tyre morën pjesë në zgjedhje, pra rreth 37,52%.

Vendi i tretë i përket bashkisë së Tepelenës, e cila pati një pjesëmarrje  prej 36,59%,  më konkretisht votuan 4646 persona nga 12699 e numrit total të votuesve.

Pas Librazhdit vjen Poliçani në vendin e katërt me 35,46% pjesëmarrje, më konkretisht  4750 votues nga 13394.

Dhe e pesta në renditje është bashkia e Klosit e cila pati një ?pjesëmarrje prej 35,17% më saktë nga 15594 votues në total, morën pjesë në process 5485 prej tyre./CNA.al





Lajmet e fundit nga