E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Meta, jashtë kontrollit e lëshojnë nervat/ "Monikën ia dorëzon drejtësisë"

2 Korrik 2019, 09:54, Aktualitet CNA

Presidenti Ilir Meta është shfaqur sot në media si asnjëherë më parë.

Me sy të enjtur dhe i dalë jashtë kontrollit, ai ka lëshuar një sërë kërcënimesh, ndaj ndërkombëtarëve dhe mazhorancës.

Ai ka kërkuar që politikanët të bëjnë testin e drogës, testin e shëndetit mendor, ndërsa ka shkuar edhe më tej, duke e krahasuar veten me Avni Rustemin dhe Vojo Kushin.

Se kush është Esat Pashë Toptani që do ta ekzekutojë as Meta vetë nuk e di.

Me gotë uji në dorë, dhe i shpërqëndruar ai nuk ka mundur të japë një përgjigje, se ka në shënjestër për ta ekzekutuar.

Në fakt, Meta më shumë ngjante me një të sapo pirë se sa me Presidentin e një vendi, pasi mënyra se si fliste, tregonte se ishte jashtë kontrollit dhe se nervat e kishin lëshuar.

“Nuk jam politikan i rracës së Guevskit, jam politikan i rracës së Avni Rustemit. Ilir Meta nuk është vegël e Serbisë. Jam i gatshëm në çdo moment të bëj testin e shëndetit mendor, për çdo politikan dhe për çdo drejtues shteti le të bëhet. Po kështu jam i gatshëm të bëj edhe testin e drogës, ndërsa për testin e shqiptarit e kam bërë dhe e kam bërë me kohë.

Sikur Meta të bënte vetëm testin e pasurisë dhe të dilte para drejtësisë, kjo do tu mjaftonte shqiptarëve që i ka zhvatur.

Por, duket se nën panikun e hekurave të burgut, Meta, nuk njeh më as bashkëshorten e tij së cilës i ka dorëzuar LSI-në, Monika Kryemadhin.

Ai e ka nxjerrë zbuluar Kryemadhin,madje, duke ia dorëzuar me duart e tij drejtësisë.

“Unë jam president, nuk më intereson Monika dhe askush tjetër. Monika falë firmës së Lulit dhe Edit si kryetar bashkie e ka një pallat tek Unaza e Re, prandaj e njoh mirë çështjen e Unazës së re. I ka të sigurtë fëmijët Monika. Janë tërë ata njerëz që duan të ikin”, u shpreh Presidenti.

Një pasuri kjo, që Kryemadhi nuk e ka deklaruar pranë ILDKPKI-së. Të paktën nuk është në deklaratat që CNA.al, ka marrë pranë ILDKPKI-së.

Por, siç duket Meta nën panik, për të shpëtuar vetën, po dorëzon bashkëshorten në organet hetuese./CNA.al