web counter
LEXO PA REKLAMA!

SHKARKO APP

E fundit!

x

Kriza politike/ Meta merr vendimin e papritur

2 Korrik 2019, 09:14, Aktualitet CNA

Presidenti Ilir Meta ka dalë sot me një propozim për zgjidhjen e krizës politike në vend.

Në një deklaratë për mediat, Meta është shprehur se mënyra e vetme për të zgjidhur krizën politike është që në 13 tetor të mbahen zgjedhje të përgjithshme dhe zgjedhje për Presidentin.

Ai tha se do të kandidojë sërish për postin e presidentit në këto zgjedhje të 13 tetorit që ai propozon, dhe thotë se kryeministri Edi Rama mund të vë cilin kandidat të dëshirojë.

“Në 13 tetor zgjedhje të përgjithshme dhe unë garoj për president. Kjo është rruga që e zgjidh këtë krizë që shqiptarët të mos shkojnë sërish të futen nëpër ambasada. Boll e zbrazëm Shqipërinë. Do ta bëjmë një vend europian, një vend ku askush nuk dhunon ligjin dhe institucionet. Kjo është zgjidhja që unë jap dhe nuk është turp as për mua nëse populli nuk më voton. Kjo është rruga e zgjidhjes së krizave. Nëse ka ndonjë propozim për kandidat për president Edi Rama ta bëjë. Asnjë propozim që dhunon të drejtën nuk e pranoj. Të mos tallet askush me Kushtetutën tonë. U tallën njëherë në 2008”, tha Meta./ CNA.al





Lajmet e fundit nga