E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Profil/ Kush është ambasadorja e re e SHBA-së në Tiranë

28 Qershor 2019, 20:47, Aktualitet CNA

Presidenti i SHBA, Donald Trump ka emëruar njeriun që do të drejtojë Ambasadën e Shteteve të Bashkuara të Amerikës në Shqipëri. Ajo quhet Yuri Kim dhe është një zyrtare e lartë e Shërbmit të Jashtëm të SHBA.

Por kush është Yuri Kim?

Ajo është një zyrtare e lartë e Shërbimit të Jashtëm të SHBA-ve. Yuri Kim ka lindur në Kore, por në vitin 1974 emigroi me familjen e saj në Guam, ku edhe u diplomua në Akademinë e Zojës së Guam.

Yuri Kim ka kaluar mbi supe sfidat kryesore të politikës së jashtme dhe të sigurisë kombëtare nëpër rajone të shumta, duke përfshirë Kinën, Korenë e Veriut, Turqinë, Irakun dhe NATO-n.

Ajo ka mbajtur postin e shefes së Shtabit të Zëvendëssekretarit të Shtetit, në periudhën 2015-2017. Më përpara, ajo ka qenë drejtoreshë e Zyrës së Sigurisë Evropiane dhe Çështjeve Politike-Ushtarake, përgjegjëse për politikat e SHBA-së lidhur me vendosjen e forcës së NATO-s, , Organizatës për Siguri dhe Bashkëpunim në Evropë (OSBE) dhe çështjeve të tjera të politikës transatlantike të sigurisë.

Ajo ka qenë edhe Këshilltare Politike në Ankara (2011-2014), ku ishte përgjegjëse për forcimin e bashkëpunimit dypalësh, NATO-n dhe bashkëpunimit rajonal me Turqinë, veçanërisht në lidhje me zhvillimet në Siri, Irak dhe Iran.

Si Këshilltare Politike në Bagdad (2009-2010), ajo u angazhua me udhëheqësit irakianë në spektrin e plotë të çështjeve të brendshme, dypalëshe dhe rajonale. Ajo gjithashtu punoi me zyrtarë të lartë amerikanë të mbrojtjes për të planifikuar dhe ekzekutuar tranzicionin e detyrave kritike, përgjegjësive dhe buxheteve nga forcat amerikane të Irakut në entitetet civile amerikane dhe irakiane.

Para kësaj detyre, ajo ishte Asistente Speciale e Ndihmës Sekretarit të Shtetit për Çështjet e Azisë Lindore dhe Çështjeve Paqësore dhe një anëtare e delegacionit të SHBA-së në bisedimet gjashtëpartiake që synonin denuklearizimin e Koresë së Veriut. Ajo ka shërbyer gjithashtu në Seul, Tokio dhe Pekin.

Yuri Kim ka një diplomë bachelor nga Universiteti i Pensilvanisë dhe një master nga Universiteti i Kembrixhit. Ajo flet gjuhët koreane, kineze (mandarin), japoneze dhe turke.

Në më shumë se 20 vjet si FSO, Kim ka dhënë kontributin e saj në Kinë, Japoni dhe Turqi, duke fituar dhe njohuri shumë të mira gjuhësore dhe kulturore, të cilat duhet t?i dish për të funksionuar në këto vende. Kim gjithashtu ka punuar për Sekratarin e Shtetit të Presidentit George W. Bush, Colin Powell.