web counter
LEXO PA REKLAMA!

SHKARKO APP

App Store
Google Play

E fundit!

x

“Vjedhje e çmendur”/ Berisha bën llogaritë: Ja sa “përfiton” Rama nga rruga Milot-Balldren

1 Qershor 2019, 14:07, Aktualitet CNA

Ish kryeministri Sali Berisha, ka reaguar përmes një postim në rrjetet sociale, lidhur me koston e rrugës Milot ? Balldren.

Duke e cilësuar si një vjedhje të cmendur  Berisha shkruan se projekti mafioz Milot-Balldren nga dy në katër korsi me PPP do kushtojë 17 milion euro km, dërkohë që 27 km në Bajpasin e Fierit ndërtohen nga Bankat Europiane me 2,2 milion euro.

Nga ky projekt  Rama me hajnat dhe horrat e tij vjedhin të paktën 250 milion euro, shkruan më tej Berisha.

Postimi i plotë:

Zgjerimi i rruges prej 17 km Milot – Balldren nga dy ne kater korsi me PPP do kushtoje 17 milion euro km

Nderkohe qe 27 km ne Bajpasin e Fierit ndertohen nga Bankat Europiane me 2,2 milion euro.

Te dashur miq, ne nje akt vjedhje te çmendur e te paimagjinueshme Edvin Kristaq Hajni, Ndrikullat e tij petullushka Riformata dhe Sekretia dhe Hajdut Gjiknuri kane vendosur me duart e tyre te zeza te vjedhin me thase te pakten 250 milion euro ne zgjerimin e rruges Milot – Balldren, nga dy ne kater korsi.

Keta horra te pafytyre dhe shperfytyruar kane firmosur zgjerimin nga 2 ne kater korsi te 17 km te rruges fushore Milot -Balldren me PPP tu kushtoje takspaguesve shqiptare 290 milione Euro apo 17 milione euro per km apo 17 milion euro shtimi i dy korsive per km.

Per te kuptuar permasat e kesaj vjedhje monstruoze po ju rikujtoj lexuesve se Bajpasi i Fierit, veper e financuar nga bankat europiane BEI dhe BERZH po ndertohet me 2,2 milion per km dhe para ketyre, po me financimin e ketyre bankave u ndertua autostrada Levan – Vlore me ura te gjata mbi Vjose dhe vepra te tjera arti.

Po keshtu, tuneli prej 5,3 km te dy anet se bashku eshte ndertuar me 14 milione euro km. Sipas te gjitha krahasimeve me çmimet e veprave te ngjashme por edhe ato nderkombetare te ndertimit te autostradave ne teren fushor ky zgjerim nuk mund te kushtonte kurre me shume se 40 milione euro, çka do te thote se kryehajduti me hajnat dhe horrat e tij vjedhin te pakten 250 milion euro.

Ketu me poshte per ata qe jane te interesuar per hollesi me te medha keni deklaraten per shtyp dhe denoncimin e kesaj megaafere korruptive nga Partia Demokratike. sb

DEKLARATË JORIDA TABAKU DHE LEALBA PELINKU

JORIDA TABAKU

Opinioni publik është njohur këto ditë me një nga aferat më të rënda korruptive të qeverisë së Edi Ramës. Bëhet fjalë për projektin 260 milionë euro të rrugës prej 17 kilometrash Milot- Balldre. Deri tani dimë që qytetarët do të paguajnë 15 milionë euro për 1 kilometër, por dokumentat në vazhdim na tregojnë se vlera mund të rritet, duke e kthyer kontratën në një skemë mafioze.

Vlera e 1 kilometri, në terren fushor, pa asnjë vështirësi serioze, pa asnjë vepër madhore arti, mund të shkojë edhe 17 milionë euro, sepse kështu ka vendosur Edi Rama.

Afera është pothuajse e ngjashme me atë të Unazës së Re, ku 1 kilometër kushton 20 milionë euro. Ndryshimi, në rastin e Milot-Balldre, është se për grabitjen e rradhës nuk u shpik një kompani me dokumenta të fallsfikuara, por qeveria ia dha kontratën PPP, me ofertë të pakërkuar, një kompanie të vogël që, zyrtarisht, është në pronësi të një ish deputeti të Partisë Socialiste, Agim Kola dhe që për partner në punime, ka klonimin e vetes, nëpërmjet hapjes së një kompanie, që nuk ka kryer asnjë punë deri më sot.
Është detyrë e prokurorisë të zbulojë përfituesit e vërtetë dhe të tregojë se deri ku dhe me kë është përfshirë kryeministri i vendit në këtë aferë mafioze që u grabit shqiptarëve miliona e miliona euro.
Për të kuptuar skemën mafioze, duhen shpjeguar së pari kostot e projektit prej 17 kilometrash.

Është e qartë se kushdo që ka ideuar dhe konceptuar këtë projekt mafioz duhet të shkojë para drejtësisë. Skema mafioze që grabit shqiptarët me miliona euro e ka zanafillën tek tenderi korruptiv.

LEALBA PELINKU

Krijimi i kompanisë është një tjetër pjesë e skemës mafioze.

JORIDA TABAKU

Sot, fatkeqësisht ajo që ne parashikuam po ndodh. Ky program po përdoret për pastrimin e parave, ky program po vjedh dhe zhvat qytetarët, ky program ka nxjerrë kostot mëtë larta për km të rrugëve, që, në Unazën e re shkonin në 22 mln euro/km dhe këtu deri në 16 mln euro për km. Kjo skemë korruptive gjigande, që siç tregohet në tabelën e siguruar nga Partia Demokratike, qe do të ketë efekte për 15 vitet në vijim, duhet të ndalet menjëherë.
Kjo kontratë, nqs kalon në parlament, do të jetë subjekt i Ligjit Antimafia, së bashku me një listë kontratash abuzive të denoncuara nga Partia Demokratike dhe çdo dëm i shkaktuar ndaj buxhetit te shtetit do të rekuperohet. Korrupsioni me ligje të miratuara në parlament, ku kërkojnë mbrojtje për vendimet e tyre duhet të mbarojë. Nuk ka parlament ilegjitim që mbron këto veprime korruptive, e nuk ka gjykatë e arbitrazhi që mbron vendimet e njëparlamenti ilegjitim!/CNA.al

 





Lajmet e fundit nga