web counter
LEXO PA REKLAMA!

SHKARKO APP

App Store
Google Play

Protesta e studentëve/ Shahini: U rrëmbye nga një grusht individësh partiakë

22 Maj 2019, 14:50, Aktualitet CNA

Ditën e sotme një grup studentësh protestuan përballë ministrisë së Arsimit në lidhje me mosplotësimin e kërkesave të tyre.

Kjo protestë u shoqërua me thyerje xhamash në godinë ne ministrisë  si dhe me ndezje zjarri në rrugë.

Në lidhje me këtë protestë ka reaguar ministrja e Arsimit Besa Shahini, e cila e ka quajtur si një cënim të rëndë të im azhit të studentit protestues.

Sipas Shahinit, studentët u rrëmbyen nga një grusht individësh partiakë duke e kthyer protestën me sfond dhune.

Postimi i plotë:

Ishte një trishtim për mua, por edhe një cënim i rëndë i imazhit të Studentit Protestues, që sot para Ministria e Arsimit, Sportit dhe Rinisë një grusht individësh partiakë e rrëmbyen me dhunë masën e vogël të studentëve duke e kthyer në sfond dhune.

Thanë se do të vinin të kërkojnë cilësi të arsimit të lartë duke protestuar në të njëjtin vend ku protesta e dhjetorit i hapi rrugën #Paktit kuptimplotë për Universitetin. Por thjesht thyen xhamat e institucionit sipas modelit më të keq të politikës opozitare.

Lajmi i mirë është se sot Studenti Protestues nuk ishte aty, por sidoqoftë trishtimi mbetet dhe turpi u mbetet atyre që lanë nam me ?protestën? e kthyer në një shfaqje të teatrit të dhunshëm opozitar.

Ndërkohë, ne do të vazhdojmë të mbajmë angazhimet e #PaktitpërUniversitetin, që sot ka sjellë në jetën universitare bibliotekën digjitale, portalin e transparencës, bursat për ekselentët e studentët në nevojë, kantieret për përmirësimin e kushteve nëpër konvikte, zhvillimin e kartës për 110 mijë studentë të universiteteve publike./CNA.al





Lajmet e fundit nga