web counter
LEXO PA REKLAMA!

SHKARKO APP

App Store
Google Play

E fundit!

x

Negociatat/ Bushati, mesazh palëve politike

19 Maj 2019, 13:17, Aktualitet CNA

Muaji Qershor është i rëndësishëm për Shqipërinë, për shkak se pritet një përgjigje nga ana e Komisionit Europian, lidhur me hapjen e negociatave.

Ish-ministri i Jashtëm, Ditmir Bushati në një intervistë për Vizion Plus, thotë, se nuk është ky hapi ku Tirana duhet të përqendrojë vëmendjen.

“Ne jemi në kushtet kur pritshmëria kryesore duhet të jetë për datën dhe jo më për raportin. Duhet të kujtoj që Maqedonisë së Veriut të nga 2009 nuk i ka munguar një rekomandim nga Komisioni Europian që shoqëronte Raportin e Progresit apo raportin vjetor, dhe në një dekadë pavarësisht se kishte në mënyrë të përvitshme përsëritjen e rekomandimit, nuk e pati të mundur të fillonte bisedimet për anëtarësim. Prandaj në këtë moment fokusi ynë kryesor duhet të jetë sigurimi i konsensusit brenda vendeve anëtare në mënyrë që Shqipërisë ti jepet data”, është shprehur Bushati.

Bushati është shprehur kritik për situatën në vend.

Sipas tij, situata aktuale mund të reflektohet në vendimin përfundimtar të vendeve anëtare, ndaj ai apelon kampet politikepër përgjegjshmëri të brendshme.

“Sigurimi i konsensusit tek vendet anëtare, bazuar tek përsëritja e një rekomandimi që do të vinte nga Bashkimi Europian, do duhet të shoqërohet dhe më përgjegjshmëri politike që do duhet të vij nga Shqipëria”, është shprehur më tej Bushati.

 

 

 

 

 

 





Lajmet e fundit nga