web counter
LEXO PA REKLAMA!

SHKARKO APP

App Store
Google Play

Avokati jep tre arsye për mosmbajtjen e zgjedhjeve të 30 Qershorit

15 Maj 2019, 18:42, Aktualitet CNA

Tre janë arsyet që e bëjnë të pamundura mbajtjen e zgjedhjeve vendore në 30 Qershor, kur është dhe data e dekretuar nga Presidenti i Republikës.

Ato i ka sjellë avokati i njohur Sokol Azizaj, i qenë i ftuari i  rubrikës ?Mbrëmje në ABC?.

Sipas Azizajt, në situatën aktuale ku ndodhet vendi as që mund të bëhet fjalë për zgjidhje e kompromis politik, por vetëm për çështje  kushtetuese dhe ligjore.

?Në situatën në të cilën ndodhemi ne para detyrimeve të Kodit Zgjedhor, mospërmbushjes së detyrimeve ligjore nga KQZ, mospërmbushja e detyrimeve ligjore dhe kushtetuese e subjekteve politike, pamundësia e përmbushjes së detyrimeve ligjore nga Presidenti për identifikimin dhe deklarimin e kësaj situate ku ndodhet Shqipëria e bëjnë të pamundur zgjedhjet administrative të datës 30 Qershor. Kjo nuk është çështje politikë më. Kjo është çështje kushtetuese dhe ligjore. Gjithë situata ku ndodhemi ne vendos përballë dëshirën për të përmbyllur politikën me pamundësinë kushtetuese për të realizuar këtë lloj dëshire. Ligji elektoral nuk i ofron subjekteve politike vajtjen në procesin zgjedhor në datën 30 Qershor 2019?,- tha Azizaj. /CNA.al





Lajmet e fundit nga