Çfarë ndodhi me dy deputetët e Lulit dje në parlament

9 Maj 2019, 09:20, Aktualitet CNA

Kreu i Republikës së re, Lulzim Basha në zgjedhjet e 25 qershorit 2017 përgatiti një listë skandaloze kandidatësh për deputetë, gjë e cila la pasojat e saj të mëvonshme.

PD pësoi humbje katastrofale në zgjedhjet parlamentare dhe pasi Luli e kuptoi që kishte sjellë në Kuvend një tufë sharlatanësh dhe të paaftish, u dogji edhe mandatet.

Por, kjo është vetëm pjesa e parë e listës. Fundi i listës së Lulit, ishte edhe më skandaloz.

Vendimi për djegien e mandateve të opozitës, solli futjen në parlament të atyre emrave që Basha i përdori për të mbushur listat. Njerëz anonimë, të panjohur dhe pa kontribute politike sot janë në sallën e Kuvendit të Shqipërisë.

Një ditë më parë, u betua në Kuvendin e Shqipërisë, kreu i Partisë Konservatore Kujtim Gjuzi, pasi pranoi të merrte mandatin e deputetit.

Ky i fundit prej kohësh është një emër i lakuar në media, ndërsa dje ajo që tërhoqi vëmendje ishte veshja e qesharake dhe jo vetëm kaq.

Burime për CNA.al bëjnë të ditur se Gjuzi është injoruar ditën e djeshme nga deputetët e tjerë. Pas Kujtim Gjuzi mbeti vetëm në sallën e Kuvendit, vendosi të shkojë te kafja.

Por, sapo Gjuzi ulej te ndonjë tavolinë, të gjithë largoheshin një nga një, te ndonjë tavolinë tjetër dhe Gjuzi i Lulit mbetej sërish vetëm.

Kur e kuptoi që të gjithë e injoronin, deputeti i listave të Lulit vendosi të rikthehej sërish i vetëm në sallë.

Por, Gjuzi nuk është i vetmi deputet i futur në parlament, falë listave të Lulzim Bashës.

Një tjetër deputet i cili bëri dje betimin ishte Erion Piciri. Ky i fundit u ul në fund të sallës. Ngrihej herë pas here dhe shkonte pas karrikes ku ish ul praktikisht se nuk kishte ku të shkonte më tutje dhe për të mos rënë në sy bënte sikur fliste në celular.

Në dorë mbate ca letra me ngjyra si fëmijët e kopshteve me vizatime dhe i hapte herë pas here. Pastaj nuk u pa më…

Por më pas ishte parë sërish, të galeria e gazetarëve dhe rrinte atje. Me shumë gjasë do vazhdojë të rrijë aty gjithmonë, dhe ku i dihet ndoshta edhe do të flasë që aty.

Si duket ndjeu që duhej të rrinte më lart se të tjerët se edhe është nivel tjetër…

Këta janë deputetët që do na përfaqësojnë në parlament dhe që do paguhen me taksat tona, falë listës së kreut të Republikës së re, Lulzim Basha. Listë skandaloze, e cila u bë pas një marrëveshe sekrete me Edi Ramën për benefite personale dhe familjen./ CNA.al