web counter
LEXO PA REKLAMA!

SHKARKO APP

App Store
Google Play

E fundit!

x

E reja humb jetën pas lindjes/ Reagon Spitali i Elbasanit

22 Prill 2019, 15:18, Aktualitet CNA

Vdekja e 25 vjeçares nga Elbasani vetëm një orë pas lindjes së fëmijës së parë, ka tronditur mbarë vendin.

Familjarët kanë akuzuar mjekët për neglizhencë ndaj nënës së re.

Në reagimin zyrtar të Spitalit Rajonal të Elbasanit thuhet se 25 vjeçarja erdhi me urgjencë në spital, me barrë të vonuar. Ndërkohë deklarohet se e reja më vonë ka pasur komplikacioe, të cilat i kanë kushtuar jetën.

?Duke shprehur ngushëllimet familjarëve për humbjen e 25-vjeçares R. D., Spitali rajonal Elbasan sqaron opinionin publik ne lidhje me humbjen e jetës së 25-vjeçares? si vijon: Pacientja R. D. u paraqit në spital më datë 22.04.2019 në orën 10:25 paradite.

Pacientja ka ardhur me urgjencë në spital, me barrë të vonuar 42-javëshe dhe është futur në sallë, ku mjekët asistuan lindjen e fëmijës, i cili erdhi në jetë në orën 11:50.

Foshnja u reanimua dhe gëzon shëndet të mirë.

Stafi mjekësor ka dhënë trajtimin e duhur mjekësor, por nëna e re dyshohet se pësoi komplikacion postoperator trombemboli pulmonare, e papajtueshme me jetën.

Aktualisht priten rezultatet e ekspertizës mjeko-ligjore për shkakun e vdekjes së nënës?,- thuhet në reagimin zyrtar të spitalit. /CNA.al





Lajmet e fundit nga