web counter
LEXO PA REKLAMA!

SHKARKO APP

App Store
Google Play

E fundit!

x

Nga Arian Galdini/ Politika ku besoj

21 Prill 2019, 16:30, Aktualitet CNA

  E dini në cilën politikë besoj unë?

Dhe nuk po flas e as shkruaj si kryetar i LDE, por si Arian, si prind, si pedagog, si qytetar.

Besoj tek politika që sakrifikon, jo tek politika që përfiton.

Besoj tek politika që shërben, jo tek politika që keqpërdor.

Besoj tek politika e vlerave, jo tek politika e numrave.

Besoj tek politika e parimeve, jo tek politika e urdhërave.

Besoj tek politika e shpresës, jo tek politika e mllefit.

Besoj tek politika e respektit dhe vlerësimit të mendimit e qëndrimit ndryshe, e jo tek politika e armiqësive, dasive e urrejtjes.

Besoj tek politika që fiton nga talenti e kreativiteti, jo tek politika e militantizmit partiak dhe klanor.

Besoj tek politika e Bashkimit, e jo tek politika e rreshtimit.

Besoj tek politika e lirisë, jo tek politika e unanimitetit.

Besoj tek politika e paqes, e jo tek politika e luftës dhe përplasjes civile.

Besoj tek politika tek e cila e nga e cila nëse fiton, atëherë ka fituar e mira publike, patriotike dhe kombëtare.
Besoj tek politika që nëse humbet e dështon, atëherë humbet e dështon vetëm politikani, jo vendi, jo shoqëria.

Psh, a e dini pse jam i qetë unë me qëndrimin tim politik si Arian Galdini?

Sepse jam duke sakrifikuar e kontribuar si e mendoj unë të drejtën, të vërtetën që i shërben të mirës publike, patriotike, demokratike dhe kombëtare.

E nëse unë jam gabim, dështimi dhe humbja do të jenë vetëm të miat.

Unë nuk i bëj dëm askujt me dështimin e humbjen time.

Në jam gabim unë e në humbsha e dështofsha unë, me mendimet e qëndrimet e mia, asnjë e keqe nuk i vjen askujt.

Unë di të pranoj gabimet, dështimet e humbjet nëse koha më nxjerr gabim, apo të humbur a të dështuar.

Mos ma kini merakun  fare mua.

As mos me tregoni mua se nëse fitoni ju, do më bëni gjëmën mua…

E para, në fitofshi, fitoni për vete…

Unë nuk jam për fitore as nga dhuna, as nga përplasjet civile, as nga matjet e ushtrive të mllefit dhe urrejtjes…

Në fitofshi, fitoni për vete, e mos ma kini merakun mua.

Nuk ju trokas hiç…

Në fitofshi, fitorja është vetëm e juaja, e pa mua…

Nuk jua kam parë kurrë as hajrin e as përfitimin e asnjë të mirë.

Kurrë nuk kam qenë rrogëtar shteti e as partie.

Kurrë. (Me përjashtim të 2 muajve si Shef Kabineti në MTKRS, prej nga ku kam ikur vetë me dorëheqje).

Kështu që në fitofshi e më shpallni luftë, pa merak, di ta mbaj edhe luftën…

A e dini pse?

Sepse nuk jam nevojtar, as hallexhi, e as varem nga politika e as jetoj nga politika.

Ama, kur të humbisni e dështoni ju që sot doni luftën, mua do të më keni këtu duke ju pritur që së bashku të ringrihemi.

Unë nuk jam me Ramën. Nuk kam qenë kurrë me Ramën. Nuk do jem kurrë me Ramën.

Unë nuk bëj kurrë asnjë kompromis me Rilindjen e të majtën.

Do jem i djathtë gjithmonë.

Jam i djathtë sepse besoj sinqerisht, dlirësisht, me lirinë, vullnetin e bindjen time intelektuale tek e djathta.

Nuk jam i djathtë nga rastësia.

Jam i djathtë me bindje, me doktrinë, me vullnet të lirë, se e kam vendosur vetë, se ndihem e përkufizohem i tillë.

Do jem i vërtetë e i pastër e i papërlyer gjithmonë.

Jam qartësisht properëndimor.

Ama me siguri jam kundër kujtdo që do luftën dhe përplasjen civile.

Jam kategorikisht, vendosmërisht kundër kujtdo që do luftë dhe përplasje civile.

Jam për aleancën e më të mirëve dhe të merituarve…
Luftën e duan të ligjtë. Pikë!





Lajmet e fundit nga