web counter
LEXO PA REKLAMA!

SHKARKO APP

App Store
Google Play

Ftoi partitë në zgjedhje/ Ish ministri i Ramës sulmon Ambasadën e SHBA-së

19 Prill 2019, 19:49, Aktualitet CNA

Ish ministri i Drejtësisë, Ylli Manjani ka reaguar pas deklaratës së Ambasadës amerikane në Tiranë, e cila fton partitë politike të marrin pjesë në zgjedhjet lokale të 30 qershorit.

Ish ministri i qeverisë ?Rama 1? shprehet me anë të një postimi në rrjetet sociale se, nëse Ambasada nxit dhe mbështet sistemin politik monist në çdo hallkë të shtetit Shqiptar, sigurisht që nuk ka përse të jemi dakort me të.

Manjani shkruan se nuk e kupton se çfarë ?mirëpret? Ambasada Amerikane, në çështje që i takojnë thjesht Shqipërisë. Ish deputeti thotë se ku pushteti monist sundon, nuk mund të bëhet fjalë për zgjedhje.

Postimi i plotë:

Ambasada Amerikane thotë ndër të tjera se ?… mirëpret konkurrimin demokratik në zgjedhjet e 30 qershorit….?

Ku e mirëpret?! Do bëhen gjë zgjedhje në Ambasadë?! Pse, kemi mundësi ne të konkurrojmë në zgjedhjet Amerikane?

Apo mirëpret Ambasada shqiptarët të konkurrojnë në Shqipëri?! Nuk e kuptoj çfarë ?mirëpret? Ambasada Amerikane, në çështje që i takojnë thjesht Shqipërisë…

Nëse Ambasada nxit dhe mbështet sistemin politik monist në çdo hallkë të shtetit Shqiptar, sigurisht që nuk ka përse të jemi dakort me të.

Kush hyn në votime për ti bërë ato të quhen gjasme zgjedhje tradhëton rëndë interesin publik për vendosjen e sistemin DEMOKRATIK!

Dhe në këto kushte, kur shteti nuk ekziston, Kushtetuta dhe ligji kanë dalë nga loja dhe ku pushteti monist sundon, nuk mund të bëhet fjalë për zgjedhje.

Në daç ta kuptojnë, në daç jo zyrtarët e ambasadave të huaja!

Sot në rendin tonë të ditës është rivendosja e parlamentit pluralist dhe fillimi i ndërtimit të sistemit të ri demokratik./CNA.al





Lajmet e fundit nga