E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Kryemadhi i betohet qytetares, që sulmoi LSI-në/ I jep leksion për rritjen e fëmijëve

18 Prill 2019, 21:46, Aktualitet CNA

“Nëse unë, Monika Kryemadhi i kam marrë një qindarkë, jo ty, por çdo shqiptari, që i kam dhënë dorën dhe e kam ndihmuar, helm mu bëftë tek fëmijët e mi…”,- ka qenë fraza të cilën kryetarja e LSI-së, Monika Kryemadhi, ia ka adresuar një qytetareje prezente në studion e emisionit “360 Gradë”.

Pak para se ti drejtohej qytetares, kjo e fundit e kishte sulmuar Kryemadhin për faktin se kur LSI ishte pjesë e pushtetit i’a kishte prerë asaj, nënës së katër fëmijëve, ndihmën ekonomike.

“Njëherë që e mora ndihmën ekonomike erdhi LSI-ja dhe ma hoqi ndihmën. Me 4 fëmijë. Mirë shtëpinë që ma vodhën, por më vodhën edhe shpirtin”,- ishin fjalët që qytetarja ia adresoi kryetares së LSI-së e cila mbeti e befasuar nga që një qytetare studioje guxoi ta sulmonte.

Dhe ndërsa qytetarja vijonte akuzat, Monika Kryemadhi i’a preu fjalët.

” Boll ta mbaroj unë. Qenke e paedukatë, pra. Në 4 vjet që ka qenë Sellfo Kapllani, ty të ngelen edhe 26 vite të tjera pa punë. Në 26 vite të tjera pa punë nuk ta ka fajin LSI-ja, por ta ka fajin politika. Nuk mendoj se jeta jote kushton 30 mijë lekë në muaj. Nëse ti zonjë kushton 30 mijë lekë atëherë ky është problemi yt dhe jo i imi. Tani do të të them diçka që për hir të fëmijëve të mi të mos flasësh dhe ndërhysh”,- ishin fjalët e bashkëshortes së Presidentit, që vijoi ligjëratën duke sqaruar se si i kishte ritur ajo dhe bashkëshorti fëmijët e tyre.

” Fëmijët e mi jetojnë në sajë të shpatullave të mija, prindërve të mi dhe të babait të tyre. Dhe asnjëri nga ata nuk jeton as nga paratë e Selfos, as atij që ka qenë para Selfos dhe të asnjë pushtetari të LSI-së që ka qenë 8 vjet në pushtet. Dhe një gjë ta them që ta kesh të qartë. Në këtë botë asnjë gjë nuk do lënë pa larë, por dhe asnjëgjë nuk do të marrim me vete, të jesh e bindur

Dhe nga ana tjetër, Nëse ti nuk lufton për fëmijët e ty mos kujto se do luftoj unë. Unë do luftoj për fëmijët e mi dhe secila nga ne do të luftojë për fëmijët e vet dhe secila nga ne. Por nëse ti pranon që të rrisësh fëmijët e tu me 30 mijë lekë në muaj unë nuk do ta pranoj kurrë. Jo për ty, jo për veten time por për të gjitha gratë që nuk kanë mundësi të rrisin fëmijët e vet. Por fëmijët tanë nuk rriten me fjalë rriten me vepra, duke luftuar secila nga ne. Nëse unë bëj gabim hajde më thuaj kam bërë gabim. Nëse ka vjedhur ndonjë i LSI-së hajde ma thuaj ta çojmë në burg..”,- ka leksionuar Monika Kryemadhi./CNA.al