web counter
LEXO PA REKLAMA!

SHKARKO APP

App Store
Google Play

Kapet me sasi të madhe droge në doganë/ Arrestohet një person

5 Prill 2019, 13:47, Aktualitet CNA

Policia Kufitare e Kapshticës gjatë një kontrolli të imtësishëm të një automjeti tip ?Toyota Yaris? ka sekuestruar 68 kilogramë dreogë e dyshuar si ?Canabis Sativa?.

Menjëherë është arrestuar në flagrancë shtetasi me iniciale G.GJ, 38 vjeç banues në Divjakë.

Mbi të rëndon akuza e ?Trafikut ndërkombëtar të Drogës?

Njoftimi i Policisë:

Kapshticë

Policia Kufitare godet një tjetër tentativë të “Trafikut ndërkombëtar të lëndëve narkotike”.

Sekuestrohet 68 kg lëndë e dyshuar si narkotike Cannabis Sativa.

Arrestohet në flagrancë transportuesi.

Më datë 05.04.2019, në dalje të Republikës së Shqipërisë është paraqitur shtetasi G.Gj, 38 vjeç, banues në Divjakë, me mjetin tip ?Toyota?.

Pas analizës së riskut të bërë nga Policia Kufitare dhe e Migracionit, është bërë përzgjedhja dhe është ushtruar kontroll i imtësishëm në vijë të dytë dhe më pas në bashkëpunim me autoritetet doganore mjeti të cilin ky shtetas drejtonte, ka kaluar në procesin e skanimit, ku pas verifikimeve u gjetën e sekuestruan në cilësinë e provës materiale :

68 kg lëndë e dyshuar si narkotike Cannabis Sativa.

Veprimet hetimore dhe proceduriale të mëtejshme u kryen nga specialistët e Seksionit për Narkotikët në Drejtorinë Vendore të Policisë Korçë, të cilët bënë arrestimin në flagrancë të shtetasit G.Gj, për veprën penale ?Trafikimi i narkotikëve?.

Materialet i kaluan Prokurorisë pranë Gjykatës së Shkallës së Parë për Krime të Rënda Tiranë./CNA.al





Lajmet e fundit nga